மான் கராத்தே பார்த்திருப்பீங்க.. நாய் கராத்தே பார்த்திருக்கீங்களா.. நாய் சேகரின் அடாவடி!
சென்னை: நம்மில் நிறைய பேர் மான் கராத்தே படம் பார்த்திருப்போம். அந்த படத்தில் உள்ளப்படி எதிரி தாக்கும் போது தப்பி ஓடிவிடுவதே மான் கராத்தே.
Recommended Video
இங்க ஒருவர் நாய்களுடன் சரமாரியாக சண்டை போடுகிறார். இந்த வீடியோ சமூக வலைதளங்களில் வைரலாகி வருகிறது.
சமூக வலைதளங்களில் வைரலாகும் ஒரு வீடியோவில் நாய்கள் ஒருவரை பார்த்து குரைக்கிறது. அந்த நாய்களை அவர் தாக்கும் வகையில் ஆக்சன்காட்டுகிறார். முதலில் ஒரு நாய் குரைத்து தாக்க முயன்ற நிலையில், அடுத்து இரண்டாவது, மூன்றாவது, நான்காவது என நான்கு நாய்கள் அவரை ரவுண்டு கட்டின.
நாய் சேகர் வசமாக சிக்கிக்கொண்டார் என்று பார்த்தால், அவர் திடீரென கராத்தேவில் பிளாக் பெல்ட் வாங்கியவரை போல சரமாரியாக கைகளையும் கால்களையும் தாக்குவது போல் பாவனை செய்து நாய்களை அச்சுறுத்துகிறார். அந்த நாய்களும் அவரை கடித்து குதறாமல் போக கூடாது என்று ஒரு முடிவுடன் தாக்க முயற்சிக்கின்றன.
இறுதியில் நாய்களை கால்களால் தாக்க முயலும் அந்த சாமி, அப்படியே கொஞ்சம் கொஞ்சமாக அந்த இடத்தை விட்டு நகர்ந்து செல்கிறார். இவ்வாறாக அந்த வீடியோ முடிகிறது, நாய்கள் அவரை சுற்றி வளைத்ததை சுற்றியிருந்த யாரே ஒருவர் வீடியோ எடுத்து சமூக வலைதளங்களில் வெளியிட்டிருக்கிறார். அந்த வீடியோ தான் சமூக வலைதளங்களில் வைரலாகி வருகிறது.