ஓ.பன்னீர் செல்வத்திற்கு 'உத்தரவு போட்டாரா' அமித்ஷா? வைரல் வீடியோ பின்னணி என்ன
Recommended Video
சென்னை: துணை முதல்வர் ஓ.பன்னீர் செல்வத்திடம், அமித்ஷா சில உத்தரவுகளை பிறப்பிப்பது போன்ற வீடியோ வைரலாக சுற்றி வருகிறது.
நேற்று, மதுரை விமான நிலையம் வந்த பாஜக தேசிய தலைவர் அமித்ஷா, அங்கிருந்து, ராமநாதபுரத்தில், பாஜக நிர்வாகிகளை சந்தித்து பேசினார்.
இதனிடையே, விமான நிலையத்திலிருந்து ராமநாதபுரம் செல்லும்போதும், மறுபடியும், அவர் திரும்பும்போதும், ஓ.பன்னீர் செல்வம் மற்றும் சில அமைச்சர்கள் அமித்ஷாவுடன் ஆலோசனை நடத்தினர்.
இந்த ஆலோசனையின்போது, அமித்ஷா, பன்னீர் செல்வத்திடம் சில கட்டளைகள் பிறப்பிப்பது போல, ஒரு வீடியோ சோஷியல் மீடியாவில் வைரலாக சுற்றி வருகிறது. தேசிய ஜனநாயக கூட்டணி என்ற பெயரில்தான், கூட்டணி நிகழ்ச்சிகள் இருக்க வேண்டும் என்பது போல அமித்ஷா ஹிந்தியில் கூறுவதை போலவும், தமிழிசை அதை தமிழில் மொழி பெயர்ப்பதை போலவும், அந்த வீடியோ காட்சி உள்ளது.
இதை வைத்து எதிர்க்கட்சியினர் அதிமுகவினரை விமர்சனங்கள் செய்துவருவதை சோஷியல் மீடியாவில் பார்க்க முடிகிறது. ஆனால், இந்த வீடியோவின் உண்மைத் தன்மை சந்தேகத்திற்கிடமாக உள்ளது. இதுபற்றி அதிமுக தகவல் தொடர்பு பிரிவில் விசாரித்தபோது, இதுபோலியான வீடியோ என அவர்கள் தரப்பில் கூறப்படுகிறது.