பெரியாரின் பேத்தியே மகிழ்ச்சி... கவுசல்யாவுக்கு சத்யராஜ் வாழ்த்து!

கவுசல்யா திருமணத்திற்கு நடிகர் சத்யராஜ் வாழ்த்து வீடியோ வெளியிட்டுள்ளார்.

சென்னை: மறுமணம் செய்துகொண்ட உடுமலை கவுசல்யாவுக்கும் சக்திக்கும் வாழ்த்துகளைத் தெரிவித்துள்ளார் நடிகர் சத்யராஜ்.

ஆணவப் படுகொலை செய்யப்பட்ட உடுமலை சங்கரின் மனைவி கவுசல்யா, பறை இசைக் கலைஞர் சக்தியை மறுமணம் செய்து கொண்டார். இதற்கு பல்வேறு அரசியல் கட்சி தலைவர்கள் கவுசல்யா-சக்தி தம்பதிக்கு வாழ்த்துக்களை தெரிவித்து வருகின்றனர்.

இந்நிலையில் நடிகர் சத்யராஜூம், புதுமண தம்பதிக்கு தனது வாழ்த்தை கூறியுள்ளார். இது தொடர்பான வீடியோ ஒன்றையும் சத்யராஜ் பேசி வெளியிட்டுள்ளார். அந்த வீடியோவில் சத்யராஜ் சொன்னதாவது:

"பெரியாரின் பேரன் பேத்தி, தோழர் கவுசல்யாவுக்கும் பறையடித்து பகுத்தறிவைப் பரப்பும் பாசமுள்ள தோழன் சக்திக்கும் என் மனமார்ந்த வாழ்த்துகள்.

சலிப்பும் ஓய்வும் ஒரு சமூகப் போராளிக்கு தற்கொலைக்குச் சமம் - தந்தை பெரியார்

கற்பி; ஒன்று சேர்; புரட்சி செய் - அண்ணல் அம்பேத்கர்

பயத்தை விடு. இல்லையென்றால், லட்சியத்தை விடு - தலைவர் பிரபாகரன்.

இந்த மூன்று போராளிகளின் வீரத்தை, லட்சியத்தை மனதிலேன்றி, செயல்படும் தோழர் சக்திக்கும் தோழர் கவுசல்யாவுக்கும் மனமார்ந்த வாழ்த்துகள்" என்று வாழ்த்து வீடியோவை சத்யராஜ் வெளியிட்டுள்ளார்.

English summary

Actor Sathyaraj wishes Udumalai Kausalya and Parai artist Sakthi on their wedding.