• search
சென்னை அப்டேட்டுகளுக்கு
நோட்டிபிகேஷனை அனுமதி  

மண்டைல மாஸ்க்.. தொண்டைல மாஸ்க்.. என்னங்கடா இது.. வரு வெளியிட்ட "கலாய்" விழிப்புணர்வு வீடியோ!

Google Oneindia Tamil News

சென்னை: மாஸ்க்கை எப்படியெல்லாம் அணியக் கூடாது என்பதற்கு சில நடிகர், நடிகைகளை வைத்து விழிப்புணர்வு வீடியோவை எடுத்து வெளியிட்டுள்ளார் நடிகை வரலட்சுமி.

சரத்குமாரின் மகள் வரலட்சுமி பெண்கள் மற்றும் குழந்தைகளுக்கு எதிரான குற்றங்களுக்கு எதிர்த்து குரல் கொடுத்து வருகிறார். மேலும் சில அமைப்புகளை வைத்து நடத்தி வருகிறார்.

சமூகம் சார்ந்த பிரச்சினைகளுக்கு குரல் கொடுத்து வருகிறார். எந்த அரசாக இருந்தாலும் நல்லது செய்தால் பாராட்டியும் மக்கள் விரோத திட்டம் என்றால் கண்டனமும் தெரிவிப்பார்.

கொரோனா போர்

கொரோனா போர்

அந்த வகையில் தற்போது இவர் கொரோனாவுக்கு எதிரான போரிலும் மக்களுக்கு விழிப்புணர்வை ஏற்படுத்தி வருகிறார். அந்த வகையில் நடிகர்கள் யோகி பாபு, சந்தீப் கிஷான், கிருஷ்ணா, சதீஷ், நடிகைகள் ரெஜினா, வித்யலேகா ராமன், ஐஸ்வர்யா ராஜேஷ், பிரியதர்ஷினி ஆகியோரை வைத்து மாஸ்கை எப்படியெல்லாம் அணியக் கூடாது என்பதற்காக விழிப்புணர்வு வீடியோவை வெளியிட்டுள்ளார்.

யார் இந்த நடிகர்கள்

யார் இந்த நடிகர்கள்

அதில் தாடி மாஸ்க்கை அணிந்து கிருஷ்ணாவும் மாஸ்கை ஏற்றி இறக்கி போட்டு சதீஷும் கிருமிகள் எளிதில் நுழையும் அளவுக்கு பெரிய மாஸ்க்கை வித்யுலேகாவும் சிறிய மாஸ்கை சந்தீப் கிஷானும் அணிந்திருந்தனர். அது போல் மூக்கில் அணிவதற்கு பதிலாக கண்களில் பிரியதர்ஷினியும் காதுகளுக்கு ஜிமிக்கி போல ரெஜினாவும் அணிந்திருந்தனர்.

யோகி பாபு

யோகி பாபு

ஏதோ தலைக்கு போடும் பேண்ட் போல் யோகி பாபுவும் மாஸ்கே போடாமல் அதை வைத்துக் கொண்டு விசிறி கொண்டிருந்தார் ஐஸ்வர்யா ராஜேஷ். இதில் வரலட்சுமியும நடித்திருந்தார். அவர் மூக்கை திறந்துவிட்டு வாயை மட்டும் மூடியிருந்தார். மேற்கண்ட நடிகர், நடிகைகளை வரலட்சுமியே அழைத்து இது போல் வீடியோ செய்யும் ஐடியாவை கொடுத்துள்ளார்.

வீடியோ

வீடியோ

இந்த வீடியோவில் மாஸ்க்கை எப்படியெல்லாம் அணியக் கூடாது, எப்படியெல்லாம் அணிய வேண்டும் என்பதையும் குறிப்பிட்டுள்ளார். அவரது இந்த முயற்சிக்கு ரசிகர்கள் பாராட்டு தெரிவித்துள்ளார். நிறைய பேர் மாஸ்க்கை தாடி மாஸ்க்காகவும் வாயை மட்டும் மூடும் மாஸ்க்காகவும் அணிகிறார்கள். அவர்களுக்கெல்லாம் விழிப்புணர்வு ஏற்படுத்துவது போல் இது இருக்கும் என குறிப்பிட்டுள்ளார்.

English summary
Actress Varalaxmi tweets a video which teaches How not to wear mask and how to wear mask?
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X