• search
சென்னை அப்டேட்டுகளுக்கு
நோட்டிபிகேஷனை அனுமதி  
Just In

கனிமொழியை பாராட்டி ஒரு நாள்தான் ஆச்சு.. அதிமுக எம்.பி. நவநீதகிருஷ்ணன் கட்சி பதவி அதிரடியாக பறிப்பு

Google Oneindia Tamil News

சென்னை: திமுக எம்.பி.க்கள் கனிமொழி, டி.கே.எஸ் இளங்கோவன் ஆகியோரை பாராட்டி பேசி இருந்த நிலையில், அதிமுக எம்.பி நவநீதகிருஷ்ணன் அதிமுக வழக்கறிஞர் பிரிவு செயலாளர் பொறுப்பில் இருந்து நீக்கப்பட்டுள்ளார்.

திமுக செய்தி தொடர்பு செயலாளரும், எம்பியுமான டிகேஎஸ் இளங்கோவனின் மகள் திருமண விழா அண்ணா அறிவாலயத்தில் உள்ள கலைஞர் அரங்கில் நேற்று நடைபெற்றது. திமுக தலைவரும், தமிழக முதல்வருமான மு.க.ஸ்டாலின் இந்த திருமணத்தை நடத்தி வைத்தார்.

எனக்கு நாடாளுமன்ற நடவடிக்கைகள் கற்றுக்கொடுத்தவர் சகோதரி கனிமொழி.. அதிமுக எம்.பி புகழாரம்எனக்கு நாடாளுமன்ற நடவடிக்கைகள் கற்றுக்கொடுத்தவர் சகோதரி கனிமொழி.. அதிமுக எம்.பி புகழாரம்

டிகேஎஸ் இளங்கோவனின் மகள் திருமண விழா

டிகேஎஸ் இளங்கோவனின் மகள் திருமண விழா

இந்த திருமண விழாவில் அதிமுக எம்பி நவநீதகிருஷ்ணன் கலந்து கொண்டார். அப்போது அவர் முதல்வர் மு.க.ஸ்டாலின் முன்னிலையில் திமுக எம்.பி.க்கள் கனிமொழி, டி.கே.எஸ் இளங்கோவன் ஆகியோரை மிகவும் புகழ்ந்து தள்ளினார். அப்போது அவர் பேசுகையில், ' டிகேஎஸ் இளங்கோவன், கனிமொழி ஆகியோர் நாடாளுமன்ற நிகழ்வுகள் தொடர்பாக எனக்கு நிறைய விஷயங்களை கற்றுக் கொடுத்துள்ளனர். ஒரு முறை மத்திய அமைச்சருடன் விவாதித்தபோது அனுபவம் இல்லாத காரணத்தால் சண்டை போடும் நிகழ்வு நடந்தது. அப்போது சகோதரி கனிமொழி பொறுமையாக இருங்கள் நான் பேசுகிறேன் என்று சொன்னார்.

திமுக எம்.பி.க்களை பாராட்டி பேசினார்

திமுக எம்.பி.க்களை பாராட்டி பேசினார்

நான் சர்ச்சையில் மாட்டிக் கொள்ளக் கூடாது என்பதில் அவர் மிகவும் கவனமாக இருந்தார். நாடாளுமன்ற நிகழ்வுகள் எப்படி நடைபெறும் என்பதையும் கனிமொழி எனக்குக் கற்றுக் கொடுத்தார். தமிழ் மீதும் தமிழ் மக்கள் மீதும் அதிக பற்று கொண்டவர் சகோதரி கனிமொழி. ஆர்எஸ் பாரதியும் எனக்குக் கற்றுக் கொடுத்துள்ளார்' என்று கூறி இருந்தார் நவநீதகிருஷ்ணன். திமுக எம்.பி.க்களை அதிமுக எம்பி பாராட்டி பேசியதால் அதிமுகவினர் சிலர் அதிர்ச்சி அடைந்தனர்.

 நவநீதகிருஷ்ணனின் கட்சி பதவி பறிப்பு

நவநீதகிருஷ்ணனின் கட்சி பதவி பறிப்பு

இந்த நிலையில் நவநீதகிருஷ்ணனின் கட்சி பதவியை அதிமுக திடீரென பறித்துள்ளது. அதிமுக வழக்கறிஞர் பிரிவு செயலாளராக நவநீதகிருஷ்ணன் இருந்து வந்த நிலையில் அவர் அந்த பொறுப்பில் இருந்து அதிரடியாக நீக்கப்பட்டுள்ளார். இது தொடர்பான அறிவிப்பை அதிமுக ஒருங்கிணைப்பாளர் ஓ.பன்னீர் செல்வம், இணை ஒருங்கிணைப்பாளர் எடப்பாடி பழனிசாமி வெளியிட்டுள்ளனர்.

இதுதான் காரணமா?

இதுதான் காரணமா?

டி.கே.எஸ் இளங்கோவன் மகளின் திருமண விழாவில் கலந்து கொண்டதாலும், திமுக எம்.பி.க்கள் கனிமொழி, டி.கே.எஸ் இளங்கோவன் ஆகியோரை பாராட்டி பேசியதாலும் நவநீதகிருஷ்ணன் பதவி பறிக்கப்பட்டதாக தகவல்கள் உலா வருகின்றன.

English summary
AIADMK MP Navaneethakrishnan has been removed from the post of AIADMK Attorney General. He was praising DMK MPs Kanimozhi and TKS Ilangovan
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X