தமிழகத்தில் இனிமேல் மதுபான உற்பத்தி ஆலைக்கு அனுமதி இல்லை.. அ.ம.மு.க அசத்தல் தேர்தல் அறிக்கை

Updated: Friday, March 22, 2019, 15:20 [IST]

சென்னை: தமிழகத்தில் இனிமேல் மதுபான உற்பத்தி ஆலைக்கு அனுமதி இல்லை, உள்ளிட்ட பல்வேறு முக்கிய அம்சங்கள் அடங்கிய தேர்தல் அறிக்கையை அமமுக துணைப் பொதுச் செயலாளர் டிடிவி தினகரன் இன்று வெளியிட்டார்.

அதிமுக, திமுக உள்ளிட்ட பிரதான கட்சிகள் தங்களது வேட்பாளர் பட்டியலை வெளியிட்டுள்ள நிலையில், இன்று காலை இரண்டாம் கட்ட வேட்பாளர் பட்டியலை அமமுக வெளியிட்டது.

Agriculture, Small Business and Education Loans waiver: AMMK Election Manifesto

டிடிவி தினகரன் பக்கா பிளான்.. தேனியில் களமிறங்குகிறார் தங்க தமிழ்ச்செல்வன்.. ஓ.பி.எஸ் மகனுக்கு செக் டிடிவி தினகரன் பக்கா பிளான்.. தேனியில் களமிறங்குகிறார் தங்க தமிழ்ச்செல்வன்.. ஓ.பி.எஸ் மகனுக்கு செக்

தேர்தல் களத்தில் பிரச்சாரம் சூடு பிடித்துள்ள நிலையில், அமமுக சார்பில் இன்று பிற்பகல் தேர்தல் அறிக்கை வெளியிடப்பட்டுள்ளது. அதில் இடம் பெற்றுள்ள முக்கிய அம்சங்கள் பின்வருமாறு:

* மாணவர்களின் கல்விக்கடன் தள்ளுபடி செய்யப்படும்; நீட் தேர்வை ரத்து செய்ய நடவடிக்கை எடுக்கப்படும்.

* அனைத்து விவசாய கடன்களும் தள்ளுபடி, கூட்டுறவு வங்கிகளில் பெறப்பட்ட அனைத்து சிறு வணிக கடன்களும் தள்ளுபடி.

* விவசாயத்தை பாதிக்கும் எந்த திட்டத்தையும், தொழிற்சாலையையும் டெல்டா மாவட்டங்களில் அமைக்க நிரந்தர தடை ஏற்படுத்தும் வகையில் நடவடிக்கை எடுக்கப்படும்.

* டெல்டா மாவட்டங்களை வேளாண் மண்டலம் என அறிவிக்க நடவடிக்கை எடுக்கப்படும்

* 7 பேர் விடுதலை மற்றும் இஸ்லாமிய கைதிகள் விடுதலை வலியுறுத்தப்படும், தமிழை ஆட்சி மொழியாக அறிவிக்க நடவடிக்கை.

* முதியோருக்கான மாத உதவித்தொகை ரூ.1000த்திலிருந்து ரூ.2000ஆக உயர்த்தப்படும்

* தமிழகத்தில் இனிமேல் மதுபான உற்பத்தி ஆலைக்கு அனுமதி இல்லை, கொள்கை முடிவு எடுக்கப்படும்

* பெட்ரோல், டீசல் விலையை நிர்ணயிக்க, கண்காணிக்க தனி ஆணையம் ஏற்படுத்தப்படும்.

* அரசு ஊழியர்களுக்கு பழைய ஓய்வூதிய திட்டம் கொண்டு வர நடவடிக்கை எடுக்கப்படும்.

* மத்திய மாநில அரசு வேலைகளில் தமிழக இளைஞர்களுக்கு முன்னுரிமை வழங்கப்படும்.

* நீட் தேர்வை ரத்து செய்து மீண்டும் பிளஸ் டூ மதிப்பெண் அடிப்படையில் மருத்துவ சேர்க்கை

* கிராமப்புற இளைஞர்களுக்கு ரூ.50 ஆயிரம் முதல் ரூ.2 லட்சம் வரை கடன் வழங்கப்படும்