• search
சென்னை அப்டேட்டுகளுக்கு
நோட்டிபிகேஷனை அனுமதி  

பா.ம.க.வை காட்டமாக விமர்சித்த பெங்களூரு புகழேந்தி அதிமுகவில் இருந்து டிஸ்மிஸ்:ஓபிஎஸ்- ஈபிஎஸ் அதிரடி

Google Oneindia Tamil News

சென்னை: பாட்டாளி மக்கள் கட்சியை (பா.ம.க.வை) கடுமையாக விமர்சித்த அதிமுகவின் செய்தித் தொடர்பாளர் பெங்களூரு புகழேந்தி அக்கட்சியில் இருந்து நீக்கப்படுவதாக ஓ.பன்னீர்ச்செல்வம்- எடப்பாடி பழனிசாமி ஆகியோர் அதிரடியாக அறிவித்துள்ளனர்.

இனி ஆர்.டி.ஓ ஆபிசில் '8' போடாமலேயே.. டிரைவிங் லைசென்ஸ் பெறலாம்.. எப்படி தெரியுமா? இதை படிங்க! இனி ஆர்.டி.ஓ ஆபிசில் '8' போடாமலேயே.. டிரைவிங் லைசென்ஸ் பெறலாம்.. எப்படி தெரியுமா? இதை படிங்க!

சட்டசபை தேர்தலில் அதிமுக கூட்டணியில் பா.ம.க. இடம் பெற்று 23 இடங்களில் போட்டியிட்டது. இதில் 5 இடங்களில் மட்டும் பா.ம.க.வென்றது.

அதிமுகவுக்கு எதிராக அன்புமணி கருத்து

அதிமுகவுக்கு எதிராக அன்புமணி கருத்து

இந்நிலையில் அதிமுக ஒருங்கிணைப்பாளர் ஓ. பன்னீர்செல்வத்தை நாங்கள் ஒரு பொருட்டாக மதிப்பது இல்லை; பா.ம.க. மட்டும் கூட்டணியில் இல்லாமல் இருந்தால் அதிமுக 20 இடங்களில் கூட ஜெயித்திருக்காது என பாமகவின் இளைஞரணித் தலைவரும் ராஜ்யசபா எம்.பி,யுமான அன்புமணி விமர்சித்திருந்தார். இதற்கு அதிமுகவில் கடும் எதிர்ப்பு எழுந்தது.

பதிலடி தந்த புகழேந்தி

பதிலடி தந்த புகழேந்தி

அதிமுகவின் செய்தித் தொடர்பாளரான பெங்களூரு புகழேந்தி நேற்று செய்தியாளர்களிடம் பாமக குறித்து பேசினார். அப்போது, பாமகவுக்கு 6 தொகுதிகளில்தான் செல்வாக்கு இருக்கிறது. ஓபிஎஸ் கையெழுத்து போட்டதால்தான் அன்புமணி, ராஜ்யசபா எம்.பி.யாகி இருக்கிறார் என பதிலடி கொடுத்தார்.

பெங்களூரு புகழேந்தி நீக்கம்

பெங்களூரு புகழேந்தி நீக்கம்

இதனால் அதிமுக- பாமக கூட்டணியில் விரிசல் ஏற்பட்டது. இந்த நிலையில் சென்னையில் இன்று அதிமுக எம்.எல்.ஏக்கள் கூட்டம் நடைபெற்றது. இந்த கூட்டத்துக்குப் பின்னர் ஓ.பன்னீர்செல்வம், எடப்பாடி பழனிசாமி கூட்டாக வெளியிட்ட அறிக்கையில், அதிமுக செய்தித் தொடர்பாளர் பெங்களூரு புகழேந்தி கட்சியில் இருந்து நீக்கப்படுவதாக அறிவித்துள்ளனர்.

கட்சிக்கு புகழேந்தியால் அவப்பெயர்

கட்சிக்கு புகழேந்தியால் அவப்பெயர்

அந்த கூட்டறிக்கையில், அதிமுகவின் கொள்கை- குறிக்கோள்களுக்கும் கோட்பாடுகளுக்கும் முரணான வகையில் செயல்பட்டதால் கட்சியின் கண்ணியத்துக்கு மாசு ஏற்படும் வ்வகையில் நடந்து கொன்டதாலும் கட்சி கட்டுப்பாட்டை மீறி கட்சிக்கு களங்கமும் அவப்பெயரும் உண்டாகும் விதத்தில் செயல்பட்ட காரணத்தினாலும் வா. புகழேந்தி (அதிமுக செய்தித் தொடர்பாளர், புரட்சித் தலைவி பேரவை இணைச் செயலாளர்) இன்று முதல் கட்சியின் அடிப்படை உறுப்பினர் உட்பட அனைத்து பொறுப்புகளில் இருந்தும் நீக்கப்படுகிறார். அவருடன் அதிமுக தொண்டர்கல் யாரும் எவ்விதத் தொடர்பும் வைத்து கொள்ளக் கூடாது என கேட்டுக் கொள்கிறோம் என தெரிவிக்கப்பட்டுள்ளது.

English summary
AIADMK today expelled its Spokesperson V Pugazhendi for the anti party activities.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X