• search
சென்னை அப்டேட்டுகளுக்கு
நோட்டிபிகேஷனை அனுமதி  

ரெய்டு நடவடிக்கை எதிரொலி... திமுக அரசுக்கு எதிராக ஆர்ப்பாட்டம் நடத்தும் திட்டத்தில் அதிமுக..!

Google Oneindia Tamil News

சென்னை: முன்னாள் அமைச்சர் எம்.ஆர்.விஜயபாஸ்கர் வீட்டில் லஞ்ச ஒழிப்புத்துறை சோதனை நடத்தி வழக்குப்பதிவு செய்துள்ள விவகாரத்தை அதிமுக முகாம் சற்று சீரியஸாகவே பார்க்கிறது.

இன்று அவர், நாளை நாம், இப்படியே சென்றால் என்னாவது என நேற்று முன்னாள் மாஜிக்கள் சிலர் தங்களுக்குள் நடத்திய ஆலோசனையில் திமுக அரசின் பழிவாங்கும் நடவடிக்கையை கண்டித்து என்ற பெயரில் ஆர்ப்பாட்டம் நடத்தினால் என்ன என யோசிக்கப்பட்டிருக்கிறது.

சென்னையில் மட்டும் நடத்தாமல் மாநிலம் தழுவிய அளவில் இந்த ஆர்ப்பாட்டத்தை நடத்தினால் சோர்ந்துகிடக்கும் தொண்டனும் சற்று உற்சாகமடைவான் என்ற பேச்சும் ஓடியிருக்கிறது.

மிக விரைவில் ஆப்கனில் தாலிபான்கள் ஆட்சி.. சில வாரங்களில் 90% பகுதிகளை கைபற்றிய தாலிபான்.. பரபர தகவல்மிக விரைவில் ஆப்கனில் தாலிபான்கள் ஆட்சி.. சில வாரங்களில் 90% பகுதிகளை கைபற்றிய தாலிபான்.. பரபர தகவல்

முன்னாள் அமைச்சர்

முன்னாள் அமைச்சர்

முன்னாள் போக்குவரத்துத்துறை அமைச்சர் எம்.ஆர்.விஜயபாஸ்கரின் கரூர் இல்லம் உட்பட அவருக்கு சொந்தமான 21 இடங்களில் லஞ்ச ஒழிப்புத்துறை நேற்று அதிரடி சோதனை நடத்தியது. அதோடு மட்டுமல்லாமல் வருமானத்துக்கு அதிகமான சொத்து சேர்த்ததாக கூறி அவர் மீது வழக்கும் பதியப்பட்டுள்ளது. எம்.ஆர்.விஜயபாஸ்கர் வீட்டில் நடத்தப்பட்ட சோதனைக்கு கண்டனம் தெரிவித்துள்ள இ.பி.எஸ். மற்றும் ஓ.பி.எஸ்., ஆருக்கு அதிமுக உறுதுணையாக நிற்கும் என உறுதியளித்துள்ளனர்.

 சோதனை நீளும்

சோதனை நீளும்

முன்னாள் அமைச்சர் எம்.ஆர்.விஜயபாஸ்கர் வீட்டோடு இந்த சோதனை முடிந்துவிடாது அது இன்னும் நீளும் என்பது பல மாஜிக்களுக்கு தெரியும். அதனால் அவர்கள் இதனை வேடிக்கை பார்க்க தயாராக இல்லை. ரெய்டு நடவடிக்கையை கண்டித்து திமுக அரசுக்கு எதிராக ஆர்ப்பாட்டம் நடத்தி ஒற்றுமையுடன் எதிர்ப்பை பதிவு செய்வது குறித்து திட்டமிடப்பட்டு வருகிறது.

ஆடிட்டர்

ஆடிட்டர்

இதனிடையே சில முன்னாள் அமைச்சர்கள் எந்த வழக்கு போட்டாலும் சரி, எத்தனை ரெய்டுகள் நடத்தினாலும் சரி அதன் மூலம் இம்மியளவு கூட பாதிப்பு ஏற்படாத வகையில் பக்காவாக முன்னேற்பாடுகளை செய்து வைத்திருக்கிறார்கள். திறமைவாய்ந்த ஆடிட்டர்களை வைத்து கணக்கு வழக்குகளை நேர் செய்து, மடியில் கணமில்லை அதனால் வழியில் பயமில்லை என்கிற வகையில் இருக்கிறார்கள்.

 தேர்தல் தோல்வி

தேர்தல் தோல்வி

தேர்தல் தோல்வி, சசிகலாவின் அரசியல் வேகம், இரட்டை தலைமையில் உள்ள பனிப்போர் உட்பட இன்னும் சில காரணங்களால் அதிமுக தொண்டர்கள் சற்று குழப்பமடைந்தும் சோர்வடைந்தும் காணப்படுகின்றனர். இதனிடையே அவர்களை உற்சாகப்படுத்தும் வகையில் இந்த ஆர்ப்பாட்டம் அமையும் என்பது அதிமுக சீனியர்களின் எதிர்பார்ப்பாக உள்ளது.

English summary
AIADMK plans to protest against DMK government
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X