அதிமுகவின் தேர்தல் அறிக்கை அற்புதமாக உள்ளது… சொல்கிறார் நடிகர் கார்த்திக்

Updated: Tuesday, March 19, 2019, 12:57 [IST]

சென்னை: அதிமுகவின் தேர்தல் அறிக்கை அற்புதமாக உள்ளதாக நாடாளும் மக்கள் கட்சியின் தலைவர் கார்த்திக் தெரிவித்துள்ளார்.

மக்களவை மற்றும் 18 தொகுதி இடைத்தேர்தலில் அதிமுகவிற்கு ஆதரவு தெரிவித்து பிரச்சாரம் மேற்கொள்ள உள்ளதாகவும் அவர் கூறியுள்ளார்.

AIADMKs election Manifesto is Fantastic Says Actor Karthik

2019 நாடாளுமன்றத் தேர்தலை ஒட்டி அதிமுக சார்பில் இன்று தேர்தல் அறிக்கை வெளியிடப்பட்டது. அக்கட்சியின் ஒருங்கிணைப்பாளரும், துணை முதலமைச்சருமான ஓ பன்னீர்செல்வம் தேர்தல் அறிக்கையை வாசித்தார்.

அதில், மாணவர்களின் கல்வி கடனை ரத்து செய்ய மத்திய அரசை வலியுறுத்துவோம் என்பன உள்ளிட்ட பல்வேறு முக்கிய அறிவிப்புகள் இடம்பெற்றிருந்தன.

காவிரி - கோதாவரி இணைப்பு திட்டத்தை உடனே நிறைவேற்றுக... அதிமுக தேர்தல் அறிக்கை காவிரி - கோதாவரி இணைப்பு திட்டத்தை உடனே நிறைவேற்றுக... அதிமுக தேர்தல் அறிக்கை

இந்த நிலையில், சென்னை ராயப்பேட்டையில் உள்ள அதிமுக கட்சியின் தலைமை அலுவலகத்தில் முதலமைச்சர் பழனிசாமி, துணை முதலமைச்சர் பன்னீர்செல்வத்தை நடிகரும், அகில இந்திய நாடாளும் மக்கள் கட்சியின் தலைவருமான கார்த்திக் சந்தித்து தனது ஆதரவை தெரிவித்துக் கொண்டார்.

பின்னர் செய்தியாளர்களிடம் பேசிய அவர், அதிமுக அறிக்கையைப் படித்துப் பாருங்கள் அற்புதமாக உள்ளது என்றார். மேலும், அதிமுகவுக்கு ஆதரவாக பிரச்சாரம் செய்ய உள்ளதாகவும் கூறினார்.