இரவு 11 மணிக்கு மீட்டிங்.. 3 மணி நேரம் நீண்ட தீவிர ஆலோசனை..குருமூர்த்தியிடம் என்ன பேசினார் அமித் ஷா?
சென்னை: நேற்று தமிழகம் வந்து இருந்த உள்துறை அமைச்சர் அமித் ஷா ஆடிட்டர் குருமூர்த்தியுடன் தீவிரமாக ஆலோசனையில் ஈடுபட்டதாக தகவல்கள் வருகிறது.
Recommended Video
தமிழக தேர்தல் களம் சூடு பிடித்துள்ள நிலையில் நேற்று உள்துறை அமைச்சர் அமித் ஷா தமிழகம் வந்தார். தேர்தல் வியூகங்களை வகுக்கவும், கூட்டணியை உறுதி செய்யவும், பல்வேறு நலத்திட்டங்களை தொடங்கி வைக்கவும் அமித் ஷா தமிழகம் வந்தார்.
நேற்று அதிமுக தலைவர்களுடன் ஆலோசனை நடத்திய அமித் ஷா, அதிமுகவுடனான சட்டசபை தேர்தல் கூட்டணியை உறுதி செய்தார்.
பாஜக மீட்டிங்
இதன் பின் பாஜக தலைவர்களை சந்தித்து அமித் ஷா ஆலோசனை செய்தார். நேற்று மாலைக்கு பின் இந்த ஆலோசனை கூட்டம் நடந்தது. தமிழக பாஜக தலைவர் எல் முருகன், தமிழக பாஜக பொறுப்பாளர் சிடி ரவி, எச். ராஜா உள்ளிட்ட முக்கியமான தலைவர்கள் இந்த மீட்டிங்கில் கலந்து கொண்டனர்.
முக்கிய மீட்டிங்
தமிழகத்தில் தேர்தலை எப்படி எதிர்கொள்வது என்பது குறித்து இதில் ஆலோசனை செய்தனர். இந்த ஆலோசனைக்கு பின் நேற்று 11 மணிக்கு பிறகு அமித் ஷா தான் இருந்த தனியார் ஹோட்டலில் ஆடிட்டர் குருமூர்த்தியை சந்தித்ததாக கூறப்படுகிறது. இதில் தமிழக பாஜக குறித்தும், தேர்தல் வியூகங்கள் குறித்தும் ஆலோசனை செய்ததாக கூறப்படுகிறது.
ஆலோசனை
அதோடு நடிகர் ரஜினிகாந்த் குறித்தும் அமித் ஷா கேட்டறிந்தார் என்கிறார்கள். நடிகர் ரஜினிகாந்தின் அரசியல் வருகை, உடல்நிலை காரணமாக சந்தேகத்திற்கு உள்ளாகி உள்ளது. இந்த நிலையில்தான் இந்த மீட்டிங்கில் ரஜினிகாந்த் குறித்து குருமூர்த்தியிடம் அமித் ஷா விவரங்களை கேட்டுள்ளார்.
முக்கியம்
இன்னும் சில முக்கிய தலைவர்கள் குறித்தும் இந்த மீட்டிங்கில் பேசி உள்ளனர். மொத்தம் 3 மணி நேரம் இந்த குருமூர்த்தி - அமித் ஷா மீட்டிங் நடந்தது. இந்த மீட்டிங்கிற்கு பின் தமிழக பாஜக முக்கியமான சில பணிகளை மேற்கொள்ளும் என்று கூறப்படுகிறது. தமிழக பாஜகவிற்கு முக்கியமான சில டாஸ்குகளை பிக்பாஸ் அமித் ஷா கொடுத்துள்ளதாகவும் கூறப்படுகிறது.