2 சுடிதார் சுந்தரிகளின் குத்தாட்டம்.. டஃப் கொடுத்து ஆடிய பாட்டிகள்.. கலங்கி போன மத்திய சென்னை
மத்திய சென்னையில் அமமுக பெண் தொண்டர்கள் குத்தாட்டம் போட்டுள்ளனர்.
Recommended Video
சென்னை: சுடிதார் அணிந்த அந்த 2 பெண்கள் போட்ட குத்தாட்டம் மத்திய சென்னையையே இன்று திரும்பி பார்க்க வைத்துவிட்டது!
கட்சி கூட்டமாக இருந்தாலும் சரி, அது பொதுக்கூட்டமாக இருந்தாலும்.. ஆட்டம் பாட்டம் என களை கட்டும் என்றால் அது அதிமுகதான்!
அதிலும் அதிமுக பெண் தொண்டர்கள் டான்ஸ் தனியாக தெரியும்! ஜெயலலிதா ஏதாவது அறிவிப்பினை வெளியிட்டாலோ, அல்லது தேர்தலில் வெற்றியோ.. முதலில் இறங்கி குத்தாட்டம் குத்தம் போடுவது பெண்கள்தான்!
8 வழி சாலை தீர்ப்பில் மேல்முறையீடு செய்வோம்.. எடப்பாடியை எதிர்த்தால் டெட்பாடிதான்.. ராஜேந்திர பாலாஜி
அமமுக தொண்டர்கள்
அந்த அளவுக்கு இறங்கி ஆடி தங்கள் குஷியை வெளிப்படுத்துவார்கள். இப்போதுக்கு அதற்கு இணையாக வந்துவிட்டது அமமுகவும்! ஒரே ஒரு வித்தியாசம்.. தேர்தல் வெற்றிக்கு பிறகு அதிமுகவில் டான்ஸ் என்றால், இங்கு பிரச்சாரத்திற்கே ஆட ஆரம்பித்துவிடுகிறார்கள்.
டிரம்ஸ் கலைஞர்கள்
இன்றுகூட மத்திய சென்னையே அமர்க்களப்பட்டுவிட்டது! அமமுக சார்பில் தெகலான் பாகவி போட்டியிடுகிறார். இவர் பிரச்சாரத்திற்கு வருவதற்கு அந்த பகுதி மக்கள் ஒரு இடத்தில் கூடி நிற்கிறார்கள். டிரம்ஸ் கலைஞர்கள் இசையை பின்னியெடுக்கவும், அந்த சத்தம் கேட்டே அங்கிருந்த பெண்கள் ஆட தங்களையும் அறியாமல் ஆட ஆரம்பித்துவிட்டனர்.
இளம்பெண்கள்
அதிலும் சுடிதார் அணிந்த 2 பெண்கள் ஆடிய குத்தாட்டம்தான் இன்று மத்திய சென்னையின் ஹைலைட்! சுற்றியிருந்தவர்கள் கைகளை தட்டி உற்சாகம் எழுப்ப, எதை பற்றியும் சட்டை செய்யாத இந்த பெண்கள் உற்சாகமாக டான்ஸ் ஆடி கொண்டே இருந்தனர்! கொஞ்ச நேரத்தில் பார்த்தால் பாட்டிகள் வந்து இவர்களுடன் சேர்ந்து டான்ஸ் ஆட ஆரம்பித்துவிட்டார்கள்!
டஃப் டான்ஸ்
சும்மா சொல்லக்கூடாது.. அந்த பெண்களுக்கு பாட்டிகள் டஃப் கொடுத்தே ஆடினர். கையில் கட்சி பேனர், புடவையில் அமமுக பேட்ஜ் சகிதம்.. கடைசிவரை டயர்ட் ஆகாமல் ஆடியது எல்லோரையுமே ஈர்த்துவிட்டது!