காலமும்.. கடமையும்.. நம் நட்பும்.. நாமும்.. உதயநிதிக்கு 'நேம்' கொடுத்த அன்பில் மகேஷ்!
உதயநிதி ஸ்டாலினுக்கு அன்பில் மகேஷ் புதிய பெயர் பலகை தந்து வாழ்த்து தெரிவித்தார்
சென்னை: திமுக இளைஞரணி செயலாளர் உதயநிதி ஸ்டாலினுக்கு அன்பில் மகேஷ் பெயர்ப்பலகையை வழங்கி வாழ்த்து தெரிவித்துள்ளார்.
அன்பில் மகேஷ் குடும்பம் தமிழகம் அறிந்த ஒன்றுதான். மறைந்த கருணாநிதியின் முக்கியமான நண்பர்களில் ஒருவர் அன்பில் தர்மலிங்கம்.
இவரது மகன் அன்பில் பொய்யாமொழி ஸ்டாலினுக்கு மிக நெருங்கிய நண்பர். அவரது மகனான அன்பில் மகேஷ் உதயநிதியின் நண்பர். ஆக மொத்தம் இது வாழையடி வாழையாக நட்பில் தொடரும் குடும்ப உறவு ஆகும்.
நீ தான் காரணம், நான் இல்லை நீ தான்.. நீட்டை வைத்து ரொம்ப நீட்டா பண்றாங்கப்பா அரசியல்!
முன்னேறினார்
அன்பில் மகேஷின் நெருக்கம் உதயநிதி ஸ்டாலினின் அகில இந்திய ரசிகர் மன்றத்தை கவனித்து கொள்ளும் அளவுக்கு வளர்ந்தது. கொஞ்ச நாளிலேயே திமுகவின் மாநில இளைஞரணி துணை அமைப்பாளராக முன்னேறினார். அப்போது கட்சிக்குள் முக்கியத்துவம் வாய்ந்தவராக மகேஷ் வலுப்பெறுவார் என்று பேசப்பட்டது. இவர்களுக்குள் நெருக்கம் இப்போது வரை தொடர்ந்து வருகிறது.
நிர்வாகிகள்
குறிப்பாக உதயநிதி இளைஞரணி செயலராக பொறுப்பேற்றுக் கொண்டதில் இருந்தே பக்க பலமாக இருந்து வருவது அன்பில் மகேஷ்தான். காலியாக உள்ள இளைஞரணி நிர்வாகிகள் பதவிகளை நிரப்புவதற்காக, புதிய நிர்வாகிகள் தேர்வு, ஆக்டிவ்வாக இல்லாத நிர்வாகிகளை களையெடுப்பது உள்ளிட்ட பொறுப்புகூட மகேஷிடம்தான் தரப்பட்டுள்ளது.
வாசகம்
இப்போதுகூட "உதயநிதி, செயலாளர், திமுக இளைஞர் அணி" என்ற பெயர்பலகையை மகேஷ் உதயநிதியிடம் அளித்துள்ளார். இதை ஒரு போட்டோ எடுத்து தனது ட்வீட்டிலும் போட்டுள்ளார் மகேஷ். "காலமும் கடமையும்! நம் நட்பும் நாமும்!🖤♥️" என்ற வாசகத்தையும் பதிவிட்டுள்ளார்.
|
பெயர் பலகை
இந்த ஒத்த வரி ட்வீட்டில் இரு பேரன்களின், தாத்தாக்கள், அப்பாக்களின் நட்பு வளர்ந்து விரிந்து தங்கள் தலைமுறையிலும் தொடர்வாக உணர முடிகிறது. பளபளவென மின்னும் இந்த புதிய பெயர்பலகை இனி உதயநிதி ஆபீஸ் வெளியே தாங்கி அனைவரையும் வரவேற்க காத்திருக்கிறது.