India
  • search
சென்னை அப்டேட்டுகளுக்கு
நோட்டிபிகேஷனை அனுமதி  
Just In
Oneindia App Download

'12 லட்சம் பேருக்கு ஒரு மாவட்டத்தை உருவாக்குங்க'.. தமிழக அரசிடம் கோரிக்கை வைக்கும் அன்புமணி ராமதாஸ்

Google Oneindia Tamil News

சென்னை: தமிழ்நாட்டில் 12 லட்சம் பேருக்கு ஒரு மாவட்டம் என்ற அளவில் புதிய மாவட்டங்கள் உருவாக்கப்பட வேண்டும் என பா.ம.க. இளைஞரணித் தலைவர் டாக்டர் அன்புமணி ராமதாஸ் கோரிக்கை விடுத்துள்ளார். . இது தொடர்பாக அவர் வெளியிட்ட அறிக்கை:

இந்தியாவில் விடாமல் அதிகரிக்கும் கொரோனா.. 3 லட்சத்தை தாண்டி தினசரி கேஸ்கள்.. கேரளா, கர்நாடகா மோசம் இந்தியாவில் விடாமல் அதிகரிக்கும் கொரோனா.. 3 லட்சத்தை தாண்டி தினசரி கேஸ்கள்.. கேரளா, கர்நாடகா மோசம்

தமிழ்நாட்டில் திருவள்ளூர், திருவண்ணாமலை, கடலூர், சேலம், தஞ்சாவூர், திருச்சி, திண்டுக்கல், தூத்துக்குடி, கோவை உள்ளிட்ட மாவட்டங்களை பிரிக்க வேண்டும் என்று தொடர்ந்து கோரிக்கைகள் எழுப்பப்பட்டு வருகின்றன.

ஆளுனர் உரையில் ஏமாற்றம்

ஆளுனர் உரையில் ஏமாற்றம்

ஏற்கனவே பிரிக்கப்பட்ட மாவட்டங்களில் பல சட்டப் பேரவை தொகுதிகளின் எல்லைகள் இரு மாவட்டங்களில் பரவிக் கிடப்பதால் வளர்ச்சிப் பணிகளை மேற்கொள்ள இயலவில்லை. இவற்றைக் கருத்தில் கொண்டு புதிய மாவட்டங்கள் குறித்த அறிவிப்பு ஆளுனர் உரையில் இடம் பெறும் என்று எதிர்பார்க்கப்பட்டது. ஆனால், கடந்த 5-ந்தேதி ஆளுனர் உரையில் ஏமாற்றமே மிஞ்சியது.

ஏன் நடவடிக்கை இல்லை?

ஏன் நடவடிக்கை இல்லை?

அதைத் தொடர்ந்து தமிழ்நாட்டில் புதிய மாவட்டங்களை உருவாக்க வேண்டும்; எல்லைகளை சீரமைக்க வேண்டும் என்று வலியுறுத்தி கடந்த 8-ந்தேதி தமிழக முதல்-அமைச்சருக்கு கடிதம் எழுதியிருந்தேன். தி.மு.க. ஆட்சிக்கு வந்தால் கும்பகோணம், விருத்தாசலம் உள்ளிட்ட புதிய மாவட்டங்கள் உருவாக்கப்படும் என்று திமுக அளித்த வாக்குறுதி குறித்தும் சுட்டிக்காட்டியிருந்தேன். அதன் மீதும் எந்த நடவடிக்கையும் எடுக்கப்படவில்லை.

12 லட்சம் பேருக்கு ஒரு மாவட்டம்

12 லட்சம் பேருக்கு ஒரு மாவட்டம்

இது தமிழ்நாட்டின் வளர்ச்சிக்கும், முன்னேற்றத்திற்கும் பெருந்தடையாக இருக்கும். இவை அனைத்தையும் கருத்தில் கொண்டு, ஆந்திராவிலும், தெலுங்கானாவிலும் செய்யப்பட்டது போன்று தமிழ்நாட்டிலும் 12 லட்சம் பேருக்கு ஒரு மாவட்டம் என்ற அளவில் புதிய மாவட்டங்கள் உருவாக்கப்பட வேண்டும். அதற்காக மாவட்ட மறுவரையறை ஆணையத்தை தமிழ்நாடு அரசு அமைக்க வேண்டும். இவ்வாறு அன்புமணி ராமதாஸ் கூறியுள்ளார்.

மொத்த மாவட்டங்கள் எத்தனை?

மொத்த மாவட்டங்கள் எத்தனை?

தமிழகத்தில் தற்போது மொத்தம் 38 மாவட்டங்கள் உள்ளன. சங்கரன்கோவில், கோவில்பட்டி, பொன்னேரி, எடப்பாடி ஆகியவற்றை மாவட்டங்களாக அறிவிக்க வேண்டும் என்று ஏற்கனவே பல்வேறு கோரிக்கைகள் உலா வருகின்றன என்பது குறிப்பிடத்தக்கது.

English summary
The PMK Youth leader Anbumani ramadoss has demanded the creation of new districts in Tamil Nadu at the rate of one per 12 lakh people. It is noteworthy that various demands are already being made to declare Sankarankoil, Kovilpatti, Ponneri and Edappadi as districts
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X