அங்கிட்டு அயோத்தி ராமர் கோவில் பூமி பூஜை.. இங்கிட்டு ட்விட்டரில் டிரெண்டிங்கான #LandOfRavanan
சென்னை: அயோத்தியில் ராமர் கோவில் கட்டுமான பணிகளுக்கான பூமி பூஜை நடைபெற உள்ளது. இந்த நிலையில் ட்விட்டரில் #LandOfRavanan என்ற ஹேஷ்டேக் டிரெண்டிங்கில் இடம்பிடித்துள்ளது.
அயோத்தியில் பாபர் மசூதி இடிக்கப்பட்ட இடம், இந்துக்களிடம் ஒப்படைக்கப்பட வேண்டும் என்பது உச்சநீதிமன்றத்தின் தீர்ப்பு. இதனையடுத்து அந்த இடத்தில் பிரமாண்ட ராமர் கோவில் கட்டப்படுகிறது.
இதற்கான அடிக்கல் நாட்டு விழா இன்று நடைபெறுகிறது. இந்தவிழாவில் பிரதமர் மோடி உள்ளிட்டோர் பங்கேற்கின்றனர். இதற்கிடையே ராவணன் ஆதரவாளர்கள், #LandOfRavanan என்ற பெயரில் ட்விட்டரில் ஹேஷ்டேக்கை டிரெண்டிங் செய்துள்ளனர்.
#LandOfRavanan ஹேஷ்டேக்கில் Shashank @riseupshashank என்ற ட்வீட்டிஸ்ட், யோகியைப் போல ராவணனும் உத்தரப்பிரதேசத்தில் பிறந்தவர்தான்; அவரையும் வழிபட வேண்டும் என எழுதியுள்ளார்.
அதியன் கார்த்தி @athiyankarthi என்பவர், ராமர் தேவைப்படுகிற போது ராவணனும் தேவை என பதிவிட்டிருக்கிறார். Bharani Kumar @Bharani61987536 என்ற நெட்டிசனோ, இன்றைய நாள் திராவிடர்கள் நாள் என குறிப்பிட்டுள்ளார்.
ராமர் கோவில் பூமி பூஜை: உச்சக்கட்ட பாதுகாப்பில் அயோத்தி - வெள்ளி செங்கலை எடுத்து கொடுக்கும் மோடி
Rengarajan @renga44 என்ற ட்வீட்டிஸ்ட், தமிழர் நிலத்தின் மாபெரும் பேரரசன் ராவணன் என புகழாரம் சூட்டியிருக்கிறார்
Boobalan @Boobalan2015 தமது கருத்தாக ராவணனுக்கும் அரசை இழந்த ராமனுக்குமான யுத்தம் இப்போதும் தொடருகிறது என பதிவு செய்திருக்கிறார்.