Bigg boss 3 tamil: மாறிய பிக் பாஸ்.. மாற்றியது யாரோ...?
சென்னை: விஜய் டிவியின் பிக் பாஸ் ஹிட் என்று சொன்னாலும், மற்ற சேனல்களின் ரேட்டிங்கை இது எந்த விதத்திலும் குறைத்து விடவில்லை. எப்போதும் போல, சன் டிவி, ஜீ தமிழ் வியூவர்ஸ் அந்த சேனல்களை மட்டும்தான் பார்த்து வருகின்றனர்.
உலக நாயகன் கமல்ஹாசன் தொகுத்து வழங்கும் இந்த நிகழ்ச்சி, முதலிரண்டு சீசன்களில் களைக் கட்டியது போல மூன்றாவது சீசனில் களைக் கட்டவில்லை. இதில் கமல் ரசிகர்களுக்கு ஏமாற்றம்தான்..
நம்மவர் தாமரை இலை தண்ணீர் போல நிகழ்ச்சியோடு ஒட்டியும் ஒட்டாமல் இருக்கிறார். முதல் மாதிரி, உடை விஷயத்தில் அதிக கவனம் இல்லை.ஏதோ பேச வேண்டுமே என்பதற்காக கொஞ்சம் பேசுகிறார்.
பிக் பாஸ் ஸ்ட்ரிக்ட்
முதல் இரண்டு சீசன்களில் பிக் பாஸ் தேவை இல்லாமல் பேச மாட்டார். முதல் சீசன் ஹவுஸ் மேட் ஓவியா மன அழுத்தத்தில் இருந்தபோது கூட, அத்தனை ஜாலியாக பேசவில்லை. உங்களை எனக்கு ரொம்ப பிடிச்சு இருக்குன்னு சொல்லி, அழுதபோது கூட, பிக் பாஸிடம் இருந்து வந்தது மவுனம்தான்.
குருநாதர் பிக் பாஸ்
இப்போது மூன்றாவது சீசன் ஹவுஸ் மேட்ஸுக்கு குருநாதர் ஆகி இருக்கிறார் பிக் பாஸ்.தனது ஸ்டிரிக்ட் பேச்சுக்களை குறைத்துக் கொண்டு, ஷெரீன் நீங்க அழகா இருக்கீங்க என்று கூறுவது, சாண்டி அண்ட் கோவை சிஷ்யா என்று கூப்பிடுவது, லாஸ்லியா என்னைப் பிடிக்குமா என்று கேட்டபோது பிடிக்கும் என்று சொல்லியது என்று ஜாலி மூடில் இருக்கிறார்.
சிஷ்யா அழைப்பு
தர்ஷன் வெளியேறுவதற்கு முன்பு, குருநாதா சிஷ்யா என்று ஒருமுறை கூப்பிடுங்கள் என்றபோது, அடுத்த சில நொடிகளில் சிஷ்யா என்றும் அழைத்துவிட்டார். இப்படி தனது ஸ்ட்ரிக்ட் ரூல்ஸை மாற்றிக்கொண்டு உள்ளார் பிக் பாஸ்.
சாக்லேட் பவுடர்
முதல் சீசனில் ஹவுஸ் மேடாக இருந்த காயத்ரி ரகுராம், ஒரு கால்ஷியம் கலந்த சாக்லேட் பவுடர் கேட்டதற்கு குறும் படம் போடும் அளவுக்கு போனது நிகழ்ச்சி. இப்போது கோழிக்கறி என்ன,பரோட்டா என்ன,பிரியாணி என்ன என்று கலக்குகிறார்கள். இந்த அளவுக்கு பிக் பாஸ் மாற்றம் நிகழ்ந்தது எப்படி, இதை மாற்றியது யார்?