• search
சென்னை அப்டேட்டுகளுக்கு
நோட்டிபிகேஷனை அனுமதி  
Just In

பாஜக வணிக பிரிவு மாநில துணை தலைவர் தணிகைவேல்.. அடிப்படை உறுப்பினர் பொறுப்பில் இருந்து நீக்கம்

Google Oneindia Tamil News

சென்னை: கட்சியின் கட்டுப்பாட்டை மீறிச் செயல்பட்டதாக பாஜக வணிக பிரிவு மாநிலத் துணைத் தலைவர் எஸ்.தணிகைவேல், அக்கட்சியின் அடிப்படை உறுப்பினர் உட்பட அனைத்து பொறுப்பிலிருந்தும் நீக்கப்பட்டுள்ளார்.

திருவண்ணாமலை மாவட்டத்தைச் சேர்ந்தவர் தணிகைவேல். அவர் கடந்த ஆண்டு தமிழக பாஜகவின் முன்னாள் தலைவர் இணை அமைச்சர் எல் முருகனின் முன்னிலையில் கடந்த ஆண்டு பாஜகவில் இணைந்தவர். அப்போது அவருக்கு வணிகப் பிரிவின் மாநிலத் துணைத் தலைவர் பதவியும் வழங்கப்பட்டது.

BJP Business wing State Vice President S. Thanikaivel removed from BJP

மேலும், அவருக்கு சட்டசபை தேர்தலிலும் இவருக்குப் போட்டியிட வாய்ப்பு வழங்கப்பட்டது. திருவண்ணாமலை தொகுதியில் தற்போது பொதுப்பணித்துறை அமைச்சராக உள்ள எ.வ.வேலுவை எதிர்த்துக் களமிறங்கினார். இருப்பினும், சுமார் 90 ஆயிரம் வாக்கு வித்தியாசத்தில் தோல்வியடைந்தார்.

தேர்தல் காலத்தில் பொறுப்பற்ற முறையில் தணிகைவேல் செயல்பட்டதே திருவண்ணாமலை தொகுதியில் பாஜக படுதோல்வி அடைய காரணம் என அக்கட்சியினரே தலைமைக்குப் புகார் தெரிவித்தனர். இந்தச் சூழலில் பாஜக நிர்வாகி ஒருவர் வீட்டில் பெட்ரோல் குண்டு வீசிய சம்பவத்திலும் இவருக்குத் தொடர்பு இருப்பதாகக் கூறப்பட்டது.

இந்நிலையில் கட்சியின் கட்டுப்பாட்டை மீறிச் செயல்பட்டதாக அக்கட்சியின் அடிப்படை உறுப்பினர் பொறுப்பிலிருந்து எஸ்.தணிகைவேலை நீக்குவதாகக் கட்சித் தலைமை அறிவித்துள்ளது.

இதுகுறித்து பாஜக மாநில பொதுச் செயலாளர் கரு. நாகராஜன் வெளியிட்டுள்ள அறிக்கையில், "திருவண்ணாமலை தெற்கு மாவட்ட வணிக பிரிவின் மாநில துணைத் தலைவர் எஸ். தணிகைவேல் கட்சியின் கட்டுப்பாட்டை மீறியும், தற்போது கட்சியில் எவ்வித செயல்பாடும் இல்லாத காரணத்தினால், மாநில தலைவர் அண்ணாமலை ஒப்புதலுடன் கட்சியின் பொறுப்பிலிருந்தும், அடிப்படை உறுப்பினரிலிருந்தும் நீக்கப்படுகிறார்.

தமிழ்நாட்டில் இந்த 5 மாவட்டங்களில்.. 2 நாட்களுக்கு நல்ல மழை பெய்யும் - சென்னை வானிலை ஆய்வு மையம் தமிழ்நாட்டில் இந்த 5 மாவட்டங்களில்.. 2 நாட்களுக்கு நல்ல மழை பெய்யும் - சென்னை வானிலை ஆய்வு மையம்

ஆகவே கட்சியின் நிர்வாகிகள் மற்றும் உறுப்பினர்கள் அவரிடம் கட்சி சார்பாக எவ்வித தொடர்பும் வைத்துக்கொள்ள வேண்டாம் என அறிவுறுத்தப்படுகின்றது" எனத் தெரிவிக்கப்பட்டுள்ளது.

BJP Business wing State Vice President S. Thanikaivel is removed from all his posts. பாஜக வணிக பிரிவு மாநிலத் துணைத் தலைவர் எஸ்.தணிகைவேல், அக்கட்சியின் அடிப்படை உறுப்பினர் பொறுப்பிலிருந்து நீக்கம்.

English summary
BJP Business wing State Vice President S. Thanikaivel is removed from all his posts.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X