அதிமுக தலைமையில் மெகா கூட்டணி அமைத்து வாக்கு சதவீத்தை பறிகொடுத்த பரிதாப பாஜக

சென்னை: அதிமுக தலைமையில் மெகா கூட்டணி அமைத்தும் வாக்கு சதவீதத்தை பரிதாபமாக பறிகொடுத்திருக்கிறது பாஜக.

2014 லோக்சபா தேர்தலில் மதிமுக, பாமக, தேமுதிக ஆகிய கட்சிகளுடன் இணைந்து போட்டியிட்டது பாஜக. அத்தேர்தலில் பாஜக 5.5% பெற்றது. இத்தனைக்கும் 5%க்குள்தான் பாஜக இணைந்து போட்டியிட்ட கட்சிகளுக்கான வாக்கு சதவீதம்.

அதிமுக பாஜக கூட்டணி

இம்முறை ஆளும் அதிமுக தலைமையிலான கூட்டணியில் பாஜக இணைந்து போட்டியிட்டது. ஆனாலும் பாஜக 3.38% வாக்குகளைத்தான் இதுவரை பெற்றுள்ளது. கடந்த தேர்தலை ஒப்பிடுகையில் பாஜக வாக்கு சதவீதத்தை பரிதாபமாக பறிகொடுத்திருக்கிறது.

அதிமுகவினர் கைவிரிப்பு?

அதிமுகவினர் பாஜகவுடனான கூட்டணியை புறக்கணித்திருக்கலாம்; அல்லது தினகரன், சீமான், மக்கள் நீதி மய்யம் ஆகியவை அதிமுகவுக்கு வர வேண்டிய வாக்குகளை பிரித்திருக்கலாம் அல்லது அதிமுகவின் 7% வாக்குகள் சிந்தாமல் சிதறாமல் அப்படியே திமுகவுக்கு போயிருக்கலாம்.

தமிழகத்தில் படுதோல்வி

நாடு முழுவதும் வெற்றி கொண்டாட்டத்தில் பாஜகவினர் இருக்கின்றனர். தமிழகத்தில்தான் படுமோசமான தோல்வியைத் தழுவியுள்ளது பாஜக.

அதிமுகவுக்கு சறுக்கல்

அதேபோல அதிமுகவின் சாக்கு சதவீதமும் சரிந்துள்ளது. அதிமுகவின் வாக்கு சதவீதம் 18% ஆக குறைந்துவிட்டது என்பதும் குறிப்பிடத்தக்கது.

English summary

According to the EC Data, BJP loses its vote percentage in Tamilnadu.