"இது பழைய பாஜக இல்லை, "பாஜக 2.0".. சீனாவையே ஓடவிடும் கட்சி.. திமுக எல்லாம் கால் தூசி".. வினோஜ் நச்

சென்னையில் திமுகவை கண்டித்து பாஜக ஆர்ப்பாட்டத்தில் ஈடுபட்டது

Updated: Tuesday, September 22, 2020, 17:55 [IST]

சென்னை: தமிழகத்தின் பல்வேறு பகுதியில் பாஜகவின் கொடி பறப்பதால் திமுக அச்சமடைவதாக கூறிய அவர், தமிழகத்தில் தாமரை மலர்ந்து விட்டதாகவும் இது பழைய பாஜக இல்லை பாஜக 2.0 எனவும் அவர் கூறினார்.
சென்னை நங்கநல்லூர் பகுதியில், ஒரு தனியார் சுவற்றில் விளம்பரம் எழுதுவது தொடர்பாக பாஜக மற்றும் திமுகவினரிடையே மோதல் ஏற்பட்டது.. பிரதமர் மோடியின் பிறந்தநாளை முன்னிட்டு பாஜகவினர் அந்த சுவற்றில் விளம்பரம் செய்திருந்தனர்.

பிறந்தநாள் முடிந்ததும் சுவர் விளம்பரத்தை திமுகவினர் அழித்துவிட்டு, அதில் தங்கள் கட்சியின் விளம்பரம் எழுதினர்... இதை பார்த்த பாஜகவினர் அந்த விளம்பரத்தை அழிக்க முயன்றனர்... விஷயம் அறிந்து திமுகவினர் சுவர் பகுதியில் குவிந்துவிட்டனர்.

கன்னியாகுமரி இடைத்தேர்தல்: வெற்றி பெறும் பாஜக வேட்பாளர் நிச்சயம் மத்திய அமைச்சராவார்.. எல். முருகன் கன்னியாகுமரி இடைத்தேர்தல்: வெற்றி பெறும் பாஜக வேட்பாளர் நிச்சயம் மத்திய அமைச்சராவார்.. எல். முருகன்

மோதல்

இதனால் இரு தரப்பினரும் கடும் வாக்குவாதம் ஏற்பட்டு, மோதலும் நடந்தது.. இது சம்பந்தமாக 2 பாஜக மகளிர் நிர்வாகிகள் உட்பட 3 பேர் படுகாயமடைந்தனர்.. அவர்களுக்கு சிகிச்சை நடந்து வருகிறது.. மோதலில் ஈடுபட்ட திமுக வட்டசெயலாளர் கைது செய்யப்பட்டு அவரிடம் விசாரணையும் நடந்து வருகிறது.

கண்டனம்

இந்நிலையில், திமுகவின் இந்த சம்பவத்தை கண்டித்தும், மோதலில் ஈடுபட்ட எல்லா திமுகவினரையும் கைது செய்ய வேண்டும் என்பதை வலியுறுத்தியும் பாஜகவின் மத்திய சென்னை கிழக்கு மாவட்ட சார்பில் கலெக்டர் ஆபீஸ் எதிரே இன்று ஆர்ப்பாட்டம் நடந்தது. இதில் ஏராளமானோர் கலந்து கொண்டு திமுகவுக்கு எதிரான முழக்கங்களை முன்வைத்தனர்.

வினோஜ்

இதில் பாஜக இளைஞரணி மாநில தலைவர் வினோஜ் பங்கேற்றார். அப்போது பேசிய வினோஜ் திமுகவை கடுமையாக விமர்சித்து பேசினார்.. "டீக்கடை மற்றும் பிரியாணி கடைகளுக்கு திமுகவினால் பாதுகாப்பு இல்லை.. அதேபோல் போலீசாருக்கும் திமுகவால் பாதுகாப்பு இல்லை.. தமிழகத்தின் ஏராளமான பகுதியில் பாஜகவின் கொடி பறக்கிறது... இதை பார்த்துதான் திமுக பயப்படுகிறது.. தமிழகத்தில் தாமரை மலர்ந்து விட்டது.. இது பழைய பாஜக இல்லை.. பாஜக 2.0..!

கால்தூசி

திமுகவில் இருந்து வெளியேறுபவர்கள் வழக்கமாக அதிமுகவில் இணைவது வழக்கம்.. ஆனால் இப்போது திமுகவின் எம்எல்ஏ ஒருவர் பாஜகவில் சேர்ந்துள்ளார்.. இதுதான் பாஜகவின் வளர்சிக்கு உதாரணம்.. உலகமே பார்த்து பயப்படும் சீனாவை ஓடவிடும் கட்சி பாஜக.. எங்களுக்கு திமுக எல்லாம் கால்தூசி. திமுகவில் ஏராளமான இளைஞர்கள் இணைந்து வருவதாக சொல்கிறார்கள்.. எல்லாம் பொய்.. விட்டால் அமெரிக்க அதிபர் டிரம்ப் கூட திமுகவில் சேர்ந்து விட்டதாக திமுகவினர் பொய் சொல்லுவார்கள்" என்றார்.

சர்சசை பேச்சு

சமீபத்தில், ராமநாதபுரத்தில் ஒரு கூட்டத்தில், "ஹிந்தி படித்தால் தமிழ் அழியாது.. திமுகதான் தான் அழியும்.. கந்த சஷ்டி கவசத்தை இழிவு படுத்திய கருப்பர் கூட்டத்தை ஆதரிக்கும் திமுகவை விரட்டி அடிக்க வேண்டும்" என்று ஏற்கனவே வினோஜ் திமுகவை தாக்கி பேசியிருந்ததும், அது சோஷியல் மீடியாவில் பெரும் சர்ச்சையானதும் குறிப்பிடத்தக்கது.