• search
சென்னை அப்டேட்டுகளுக்கு
நோட்டிபிகேஷனை அனுமதி  
Just In

"ஹைஜாக்" பாஜக .. கறார் பிடிவாதம்.. "அந்த" எம்எல்ஏக்களுக்கு மட்டுமே குறி.. விறுவிறுப்பாகும் களம்

Google Oneindia Tamil News

சென்னை: என்.ஆர்.காங்கிரஸ் எம்எல்ஏக்களையே குறிவைக்கிறதா பாஜக என்ற கேள்வி புதுச்சேரி அரசியலில் எழுந்துள்ளது.

புதுச்சேரிக்குள் பாஜக கால் வைத்ததில் இருந்தே, ஆட்சியை எப்படியாவது பிடித்தாக வேண்டும் என்று முனைப்பு காட்டி வருகிறது.. வழக்கம்போல, அங்கும் மாற்று கட்சியில் இருக்கும் உறுப்பினர்களை தங்கள் பக்கம் இழுக்கும் முயற்சியிலும் இறங்கிவிட்டது.

ரங்கசாமி முதல்வராக பொறுப்பேற்று ஒருமாசம் ஆகியும், இன்னும் அமைச்சரவை ரெடியாகவில்லை.. மொத்தம் 16 இடங்களில், 10-ல் என்.ஆர்.காங்கிரஸும், 6 தொகுதியில் பாஜகவும் வெற்றி பெற்றன.

 எல்லாம் சுபம்.. ரங்கசாமி வெளியிடப்போகும் அறிவிப்பு.. புதுச்சேரி பாஜக ஏக குஷி! நமச்சிவாயம் ஹேப்பி எல்லாம் சுபம்.. ரங்கசாமி வெளியிடப்போகும் அறிவிப்பு.. புதுச்சேரி பாஜக ஏக குஷி! நமச்சிவாயம் ஹேப்பி

 நமச்சிவாயம்

நமச்சிவாயம்

நமச்சிவாயத்துக்கு துணை முதல்வர் பதவியும், 2 அமைச்சர்கள் மற்றும் சபாநாயகர் பதவியையும் தங்களுக்கு தரப்போகிறீர்கள் இல்லையா என்று ரங்கசாமிக்கு செக் வைத்து வருகிறது பாஜக. ஆனால், பாஜக தரும் எந்த அழுத்தத்திற்கும் ரங்கசாமி மசியவில்லை... இப்போது 12 எம்எல்ஏக்களாக பாஜக பலம் உயர்ந்து நின்றாலும், ரங்கசாமிக்கு டென்ஷன்தான் எகிறுகிறது.

பாஜக

பாஜக

துணை முதல்வர் பதவியை கேட்டு கேட்டு பார்த்து நொந்துபோன பாஜக, இப்போது பொதுப்பணித்துறை கலால்துறை, உள்துறை போன்றவற்றை தங்களுக்கு தர வேண்டும் என்று மறுபடியும் ரங்கசாமிக்கு பிரஷர் தந்து வருகிறது.. இதற்கும் ரங்கசாமி வாய் திறக்கவில்லை.. இதனால் உச்சக்கட்ட கடுப்பான பாஜக, பேசாமல் என்.ஆர். காங்கிரஸை உடைத்து, அதைவைத்து ஆட்சியை கைப்பற்றுவதுதான் என்ற முடிவை எடுத்திருப்பதாக தகவல்கள் கூறுகின்றன.

பிளான்

பிளான்

சில சமயம் ரங்கசாமியிடம் பாஜக பணிவது போல தெரிகிறது.. சில சமயம், பாய்வது போல தெரிகிறது.. எது உண்மையான நிலைப்பாடு என்று இப்போது வரை தெரியவில்லை.. ஆனால், இன்னொரு பிளானையும் பாஜக கையில் எடுத்துள்ளதாம்.. மெஜாரிட்டியை நிரூபிக்கும் வாய்ப்பு வந்தால், எப்படியும் பாஜகவுக்குதான் கிடைக்கும்.. அந்த சமயத்தில், என்ஆர் காங்கிரஸ் கட்சியில் இருந்து 5 எம்எல்ஏக்களை பாஜக தங்கள் வசம் இழுத்துக் கொண்டால் கட்சித் தாவல் தடைச்சட்டத்தால் எதுவும் செய்ய முடியாது..

 மெஜாரிட்டி

மெஜாரிட்டி

மெஜாரிட்டியையும் நிரூபித்து ஆட்சியை கைப்பற்றலாம் என்பதே இப்போதைக்கு பாஜகவின் ஐடியாவாக உள்ளதாம். அதற்கான முயற்சியிலும் இறங்கிவிட்டதாம்.. என்.ஆர்.காங்கிரஸில் யாரெல்லாம் பாஜக வலையில் விழ போகிறார்கள்? என்று தெரியவில்லை.. ஆஸ்பத்திரியில் ரங்கசாமி அட்மிட் ஆன நேரத்தில் 3 பேரை தட்டி தூக்கியது பாஜக.. இப்போது அடுத்த ஆபரேஷனில் குதித்துள்ளது.. இதை ரங்கசாமி எப்படி சமாளிப்பார் என்பதை பொறுத்திருந்துதான் பார்க்க வேண்டும்.

English summary
BJPs next plan in Pudhucherry Politics
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X