• search
சென்னை அப்டேட்டுகளுக்கு
நோட்டிபிகேஷனை அனுமதி  

அப்படியே வாயோடு வாய் வைத்து.. எதை பத்தியும் யோசிக்கலையே.. சபாஷ் வீரர்.. வைரலாகும் வீடியோ!

|

சென்னை: எதை பத்தியும் யோசிக்கலையே... விஷவாயு தாக்கி மயங்கிய நபரை... அப்படியே வாயோடு வாய் வைத்து... தன் மூச்சு கொடுத்து உயிரை காப்பாற்ற போராடும் ஒரு வீரரின் வீடியோ வைரலாகி வருகிறது.. பலரின் பாராட்டுக்களையும் பெற்று வருகிறது!

சென்னை திருவேற்காடு அடுத்த வேலப்பன்சாவடியில் ஒரு தனியார் பள்ளி செயல்பட்டு வருகிறது.. அந்த பள்ளி வளாகத்தின் செப்டிக் டேங்கினை சுத்தம் படுத்தும் பணி நடந்துள்ளது.

கழிவு நீர் தொட்டியை சுத்தம் செய்வதற்காக, மதுரவாயலை சேர்ந்த பாலா, பிரதீப், கார்த்தி, ஜெகன் என 4 பேர் வரவழைக்கப்பட்டனர்.. அந்த கழிவுநீர் தொட்டி கிட்டத்தட்ட 15 அடி ஆழம் இருக்கும்... முதலில் அதில் உள்ள கழிவுநீர் வெளியேற்றப்பட்டது.

கழிவுநீர் தொட்டி

கழிவுநீர் தொட்டி

இதற்கு பிறகு தொட்டியின் அடியில் சகதி, சேர், அழுக்குகள் தங்கியிருந்தன.. அதனால் அதனை அகற்றுவதற்காக பாலா என்பவர் தொட்டிக்குள் இறங்கினார்... பாலாவுக்கு வயது 37... அப்போது கழிவுநீர் தொட்டியின் அடியில் இருந்து விஷவாயு பாலாவை தாக்கியது.. அந்த விஷவாயு வீரியத்தினால், பாலாவுக்கு மூச்சு திணறல் ஏற்பட்டு, அந்த தொட்டிக்குள்ளேயே மயங்கி விழுந்தார்.

ஊதினார்

ஊதினார்

இதனை பார்த்த அங்கிருந்தோர் எல்லோரும் அலறி பதறினர்... உடனடியாக தீயணைப்பு துறைக்கு தகவல் தெரிவிக்கப்பட்டது... வீரர்களின் விரைந்து வந்தனர்.. கையில் பாதுகாப்பு கவசங்களுடன் வந்த அவர்கள், உடனடியாக தொட்டிக்குள் இறங்கி பாலாவை வெளியே மேலே தூக்கி கொண்டு வந்தனர்.. அதில் ஒரு வீரர், மயங்கிய நிலையில் கிடந்த பாலாவின் வாயில் வாய் வைத்து ஊதினார்.

மூச்சு காற்று

மூச்சு காற்று

தன் மூச்சு காற்றினை அவருக்கு செலுத்தி சுவாசம் தர முயன்றார்.. ஆனாலும் பாலா துரதிர்ஷ்டவசமாக இறந்துவிட்டார். பாதுகாப்பு உபகரணங்கள் இல்லாமல் கழிவு நீர் தொட்டிக்குள் தொழிலாளிகளை இறக்கிய விவகாரம் குறித்து பள்ளி நிர்வாகத்திடம் போலீசார் விசாரணை செய்து வருகின்றனர்.

பாராட்டு

பாராட்டு

உயிரிழந்த, பாலா உடம்பெல்லாம் கழிவுநீர் இருந்தாலும், எதை பற்றியும் யோசிக்காமல் சட்டென அவர் வாயில் வைத்து ஊதி, உயிர் கொடுக்க முனைந்த அந்த தீயணைப்பு வீரருக்குதான் பாராட்டுக்கள் குவிந்து வருகின்றன.. இந்த வீடியோவும் வைரலாகி வருகிறது... எப்படியாவது ஒரு உயிர் பிழைத்துவிடாதா என்று அந்த வீரரின் தவிப்பு பொதுமக்களை சிலிர்க்க வைத்து வருகிறது!!

English summary
chennai man dies in septic tank due to gas poisoning though Firefighters tried to save him
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X