குடும்ப பிரச்சனை.. மனஸ்தாபம்.. திமுகவில் இணைந்தார் முதல்வர் பழனிசாமியின் பெரியம்மா மகன்!
தமிழக முதல்வர் மற்றும் அதிமுகவின் இணை ஒருங்கிணைப்பாளர் முதல்வர் பழனிசாமியின் பெரியம்மா மகன் விஸ்வநாதன் திமுகவில் இணைந்துள்ளார்.
சென்னை: தமிழக முதல்வர் மற்றும் அதிமுகவின் இணை ஒருங்கிணைப்பாளர் முதல்வர் பழனிசாமியின் பெரியம்மா மகன் விஸ்வநாதன் திமுகவில் இணைந்துள்ளார்.
அதிமுகவில் ஒரு காலத்தில் வெறும் எம்எல்ஏ மற்றும் அமைச்சர் பதவிகளை மட்டும் வகித்து வந்தவர் முதல்வர் பழனிசாமி. அதன்பின் அவருக்கு கட்சியில் முதல்வர் பதவி கிடைத்து, தற்போது ஆட்சியையும் கட்டுப்பாட்டில் வைத்து இருக்கிறார்.
அதேபோல் இன்னொரு பக்கம் கட்சியையும் அவர் கட்டுப்பாட்டிற்குள் கொண்டு வந்துவிட்டார். கட்சியின் இணை ஒருங்கிணைப்பாளராக முதல்வர் பழனிசாமி உள்ளார்.
ஸ்டாலினை புகழ்ந்து பேசிய விவகாரம்.. பாஜகவிலிருந்து விலகி மீண்டும் திமுகவில் இணைந்தார் அரசகுமார்
வெற்றி தோல்வி
அதிமுக கட்சி லோக்சபா தேர்தலில் தோல்வி அடைந்தாலும், சட்டசபை இடைத்தேர்தலில் வெற்றி பெற்று ஆட்சியை தக்க வைத்தது. அதேபோல் விக்கிரவாண்டி, நாங்குநேரி தொகுதியிலும் அதிமுக வென்றது. இதனால் அதிமுக உள்ளாட்சி தேர்தலுக்கு தீவிரமாக தயாராகி வருகிறது.
என்ன மோசம்
இந்த நிலையில் முதல்வர் பழனிசாமிக்கு அதிர்ச்சி அளிக்கும் வகையில் அவரின் பெரியம்மா மகன் விஸ்வநாதன் திமுகவில் இணைந்தார். இன்று காலை அவர் திமுக தலைவர் ஸ்டாலின் முன்னிலையில் சேலத்தில் திமுகவில் இணைந்தார். ஸ்டாலின் தலைமையின் கீழ் பணியாற்றுவேன் என்று விஸ்வநாதன் குறிப்பிட்டுள்ளார்.
குடும்பம் எப்படி
கட்சியில் தனக்கு பெரிய அளவில் மரியாதை இல்லை. முதல்வரின் சகோதரனாக இருந்தும் கூட என்னை யாரும் மதிக்கவில்லை என்று விஸ்வநாதன் புகார் வைத்து வந்தார். அவர்களின் குடும்பத்திலும் இதனால் நிறைய பிரச்சனை ஏற்பட்டு உள்ளது. இதனால் விஸ்வநாதன் தற்போது கட்சி மாறியுள்ளார்.
என்ன அதிர்ச்சி
முதல்வர் பழனிசாமியை இந்த செய்தி கொஞ்சம் அதிர்ச்சி அடைய வைத்துள்ளது. விஸ்வநாதன் திமுகவிற்கு செல்வார் என்று அவர் நினைக்கவில்லை. விஸ்வநாதன் பார்க்க அசப்பில் கொஞ்சம் முதல்வர் பழனிசாமி போலவே இருப்பார் என்பது குறிப்பிடத்தக்கது.