சபாஷ்... பிக் பாஸ் 2 புகழ் நித்யா, மகள் போஷிகாவுடன் சேர்ந்து செய்த செயல்...!
நடிகர் தாடி பாலாஜியின் மனைவி நித்யாவும், அவரது மகள் போஷிகாவும் புற்றுநோயால் பாதிக்கப்பட்டவர்களுக்காக தங்களுடைய முடியை தானமாக அளித்துள்ளனர்.
Recommended Video
சென்னை: நடிகர் தாடி பாலாஜியின் மனைவி நித்யாவும், அவரது மகள் போஷிகாவும் புற்றுநோயால் பாதிக்கப்பட்டவர்களுக்காக தங்களுடைய முடியை தானமாக அளித்துள்ளது பலரது பாராட்டுக்களையும் பெற்றுள்ளது.
வாலி உள்ளிட்ட பல தமிழ்ப் படங்களில் காமெடியனாக நடித்தவர் தாடி பாலாஜி. சமீபத்தில் விஜய் டிவியில் ஒளிபரப்பான பிக் பாஸ் சீசன் 2 போட்டியாளர்களில் ஒருவராக அவர் கலந்து கொண்டார். அதே நிகழ்ச்சியில் அவரது மனைவி நித்யாவும் கலந்து கொண்டார்.
கருத்து வேறுபாட்டால் பிரிந்திருந்த அவர்கள் இருவருக்குள்ளும் இருந்த மனக்கசப்பு பிக் பாஸ் நிகழ்ச்சி மூலம் மாறியது. ஒரு சில வாரங்களே பிக் பாஸ் வீட்டிற்குள் இருந்தபோதும், மனதில் பட்டதை வெளிப்படையாகப் பேசி மக்கள் மனதில் இடம் பிடித்தார் நித்யா. தினமும் காலையில் குட்மார்னிங் சொன்னது மூலம் அவரது மகள் போஷிகாவும் பிரபலமானார்.
பிக் பாஸ் நிகழ்ச்சியில் கலந்து கொண்ட பிறகு, அவரது சமூகவலைதளப் பக்கங்களில் பின் தொடர்பவர்களின் எண்ணிக்கை அதிகரித்துள்ளது. சமூகவலைதளப் பக்கங்களில் நித்யா வெளியிடும் பதிவுகள் மக்களால் அதிகம் கவனிக்கப்படுகிறது.
View this post on InstagramA post shared by Nithya official (@nithya_dheju) on
இந்நிலையில், நித்யாவும், போஷிகாவும் தங்கள் ஹேர் ஸ்டைலை மாற்றி, புதிய புகைப்படம் ஒன்றை இணையத்தில் வெளியிட்டுள்ளனர். இது தொடர்பான பதிவில், 'தங்கள் முடியை அவர்கள் புற்றுநோயால் பாதிக்கப்பட்டவர்களுக்கு விக் செய்வதற்காக அவர்கள் தானமாக அளித்துள்ளதாக’ தெரிவித்துள்ளனர்.
இச்சிறு வயதில் தாயோடு சேர்ந்து தானும் முடியை தானமாக அளித்துள்ள போஷிகாவிற்கு பாராட்டுகள் குவிந்தவண்ணம் உள்ளன.