• search
சென்னை அப்டேட்டுகளுக்கு
நோட்டிபிகேஷனை அனுமதி  

தேர்தல் பணிமனையாக மாறிய கன்டெய்னர்கள்... சினிமா பாணியை தேர்தலில் புகுத்தி அசத்தும் நடிகை குஷ்பு!

|

சென்னை: சேப்பாக்கம்-திருவல்லிக்கேணி தொகுதி பா.ஜ.க. பொறுப்பாளராக நியமிக்கப்பட்டுள்ள நடிகை குஷ்பு சென்னை எல்.ஐ.சி. அருகே கன்டெய்னர்களை தனது தேர்தல் பணிமனையாக அமைத்துள்ளது அனைவரையும் கவர்ந்துள்ளது.

4 கன்டெய்னர்களில் செயல்படும் தேர்தல் பணிமனையில் குளிர் சாதன வசதி, கழிவறை வசதி, தனியாக தொலைபேசி, இணையதள வசதி என சகல வசதிகளும் உள்ளன.

தேர்தல் பணிமனையின் முகப்பில் சேப்பாக்கம்-திருவல்லிக்கேணி தொகுதி பா.ஜ.க. தேர்தல் அலுவலகம் என்ற பெயருடன் நடிகை குஷ்புவின் படமும் இடம்பெற்றுள்ளது.

சேப்பாக்கம் - திருவல்லிக்கேணி தொகுதியில் வீடு வீடாக விஜயம் செய்யும்

ஓடியாடி வேலை பார்க்கும் அரசியல் கட்சிகள்

ஓடியாடி வேலை பார்க்கும் அரசியல் கட்சிகள்

தமிழகத்தில் தேர்தல் களம் மிகவும் பரபரப்பாக இயங்கி வருகிறது. கூட்டணி பேச்சுவார்த்தை, தொகுதி பங்கீட்டு பேச்சுவார்த்தை என அரசியல் கட்சிகள் அனைத்தும் இரவு பகல் பாராமல் ஓடியாடி வேலை செய்து வருகின்றன. பிரசாரம், மக்களை சந்தித்து குறைகளை நிவர்த்தி செய்தல் என மக்களை கவரும் நடவடிக்கைகளில் கட்சிகள் செயலாற்றி வருகின்றன.

குஷ்புவின் தேர்தல் பணிமனை

குஷ்புவின் தேர்தல் பணிமனை

பொதுவாக தேர்தல் காலங்களில் ஆங்காங்கே தற்காலிக தேர்தல் பணிமனைகள் அமைத்து கட்சி நிர்வாகிகள் மற்றும் தொண்டர்கள் ஒருங்கிணைந்து தேர்தல் பணிகளை மேற்கொள்வது வழக்கமாகும். அந்த வகையில் நடிகையும் பாஜகவை சேர்ந்தவருமான குஷ்பு அமைத்துள்ள தேர்தல் பணிமனை அனைவரையும் கவர்ந்து வருகிறது. சேப்பாக்கம்-திருவல்லிக்கேணி தொகுதி பா.ஜ.க. பொறுப்பாளராக நியமிக்கப்பட்டுள்ள நடிகை குஷ்பு சென்னை அண்ணா சாலையில் உள்ள எல்.ஐ.சி. அருகே தனது தற்காலிக தேர்தல் பணிமனையை அமைத்துள்ளார்.

கன்டெய்னர்கள்தான் தேர்தல் பணிமனை

கன்டெய்னர்கள்தான் தேர்தல் பணிமனை

சினிமாவில் சூட்டிங் இடைவெளி நேரங்களில் நடிகர், நடிகைகள் வேன் போன்ற சகல வசதிகள் கொண்ட வாகனத்தில்(கேரவன்) ஓய்வெடுப்பது வழக்கம். சினிமா நடிகையாக இருந்த குஷ்புவும் இதே போன்று தேர்தல் பணிமனை அமைத்து அசத்தியுள்ளார். அதாவது 4 கன்டெய்னர்கள்களை அப்படியே தேர்தல் பணிமனையாக மாற்றி உள்ளார் குஷ்பு. இந்த தேர்தல் பணிமனையின் முகப்பில் சேப்பாக்கம்-திருவல்லிக்கேணி தொகுதி பா.ஜ.க. தேர்தல் அலுவலகம் என்ற பெயருடன் நடிகை குஷ்புவின் படமும் இடம்பெற்றுள்ளது.

சகல வசதிகளும் உள்ளன

சகல வசதிகளும் உள்ளன

இந்த 4 கன்டெய்னர்களிலும் குளிர் சாதன வசதி, கழிவறை வசதி, தனியாக தொலைபேசி, இணையதள வசதி என சகல வசதிகளும் உள்ளன. இதில் ஒரு கன்டெய்னரில் நடிகை குஷ்புவின் அலுவலகம் செயல்படுகிறது. மற்ற 3 கன்டெய்னர்களில் தொகுதி நிர்வாகிகளுக்கு தனித்தனி அறை வசதி செய்யப்பட்டுள்ளது. மேலும் தேர்தல் பணிமனை வளாகத்தில், பெரிய சாமியானா பந்தலும் அமைக்கப்பட்டுள்ளது. இதில் ஒரே நேரத்தில் 100-க்கும் மேற்பட்டவர்கள் அமர்ந்து கூட்டம் நடத்தும் வகையில் இருக்கை வசதிகளும் செய்யப்பட்டுள்ளன. சினிமா செட்டிங் பாணியில் தேர்தல் பணிமணிகளை அமைத்து அனைவரையும் கவர்ந்து விட்டார் குஷ்பு.

 
 
 
English summary
Chepauk-Tiruvallikeni constituency BJP Actress Khushbu has been appointed in charge of LIC Chennai. Setting up his polling station with containers nearby has attracted everyone
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X