"மசாஜ்.. முத்தம்".. பற்றிக் கொண்டு எரிவது காதலா? கன்டன்ட்டா?.. கிழித்து தொங்கவிடும் ரசிகர்கள்
பாலாஜியை ஷிவானி நிஜமாகவே காதலிப்பது போல தெரிகிறது
சென்னை: "லவ் பண்ணுவதில்கூட போலியா இருக்காரே.. இதுல கூடவா கண்டன்ட் பார்ப்பது?" என்று பாலாஜியை கிழித்து தொங்கவிட்டு வருகிறார்கள் நெட்டிசன்கள்!
வழக்கமாக பிக் பாஸ் வீட்டில் காதல் என்ற பேச்சு அடிபடுவது இயல்புதான்.. சம்பந்தப்பட்டவர்கள் முன்னே பின்னே பார்த்தது இல்லை என்றாலும்கூட, பிக்பாஸ் வீட்டின் சூழலும், ஒரே இடத்தில் ஒருவரையொருவர் சார்ந்து இருப்பதற்கான சூழலுமே காதலை அரும்ப வைத்துவிடுகிறது.
அந்த வகையில், ஒவ்வொரு சீசனிலும் லவ் ஜோடி யார் என்ற எதிர்பார்ப்பு ஏற்பட்டு வருகிறது.. இதில் பெருமளவு தாக்கத்தை ரசிகர்களிடம் ஏற்படுத்தியது கவின் - லாஸ்லியாதான்!
இதுபோன்ற காதலர்களுக்கென்று பிக்பாஸ் வீட்டில் ஒரு ஸ்பெஷல் இடமும் உள்ளது.. இந்த முறை அந்த வகையில் ஒரு ஜோடி சிக்கி உள்ளது.. பாலாஜி - ஷிவானி ஜோடியானது காதலில் விழுந்துவிட்டதா? இல்லையா என்பது தெரியாமலேயே குத்துமதிப்பாக நகர்ந்து வருகிறது.
அதிலும், ஷிவானியின் மடியில் பாலாஜி படுப்பதும், அவருக்கு ஷிவானி மசாஜ் செய்வதும், ஸ்பூனில் சாப்பாடு ஊட்டிவிடுவதும் என படு சின்சியராக இருக்கிறார்.. எந்நேரமும் பாலாஜியை ஒட்டிக் கொண்டேதான் இருப்பார் ஷிவானி.. இந்த நடவடிக்கையை மற்ற போட்டியாளர்கள் பார்த்தாலும், எதையும் கண்டுகொள்வதே இல்லை.
ஆனால், ஷிவானி அளவுக்கு பாலாஜி இல்லை என்றே தெரிகிறது.. டைம் பாஸாக மட்டுமல்ல, கன்டன்ட் தருவதற்காகவே ஷிவானியுடன் பழகுவது போல இருப்பதாக பொதுவான பார்வை உள்ளது... அதுமட்டுமல்ல, வீட்டில் உள்ள ஆண் போட்டியாளர்களைவிட, சம்யுக்தா, சுச்சி, சனம், அனிதா என அனைத்து பெண் போட்டியாளர்களிடம் மட்டுமே சுற்றி சுற்றி பேசி வருகிறார் பாலாஜி.
இதனிடையே ஓவர் டோஸாக வந்துள்ளவர்தான் சுசித்ரா.. பாலாஜி சும்மா இருந்தாலும் சுச்சி விடுவதில்லை.. பாலாஜி கட்டிப்பிடிப்பது, முத்தம் தருவது என வேற லெவலில் உள்ளது.. இதை பார்த்த ரம்யா பாண்டியன் உட்பட பல ரசிகர்களும், "லவ் பண்ணுவதில்கூட போலியா இருக்காரே.. இதுல கூடவா கண்டன்ட் பார்ப்பது?" என்றும், ஆளுக்கொரு பக்கம் காதல் என்பதை முன்வைத்து கன்டன்ட் தந்து கொண்டிருந்தாலும், ஷிவானியை பார்த்தால் மட்டும் பாவமாக இருப்பதாகவும் ரசிகர்கள் கமெண்ட் பதிவிட்டு வருகிறார்கள்!