கச்சா எண்ணை விலை குறைவு எதிரொலி.. பெட்ரோல், டீசல் விலை குறைந்தது
சென்னை: சென்னையில் இன்று, பெட்ரோல் லிட்டருக்கு ரூ. 73.11 காசுகளாகவும், டீசல் லிட்டருக்கு ரூ. 67.98 காசுகளாகவும் விலை நிர்ணயம் செய்யப்பட்டுள்ளன.
நேற்றைய விலையில் இருந்து பெட்ரோல் விலை 18 காசுகள் குறைந்து, டீசல் விலை 16 காசுகள் குறைந்து விற்பனை செய்யப்படுகிறது.
பெட்ரோல், டீசல் விலையை எண்ணெய் நிறுவனங்களே நிர்ணயித்துக் கொள்ளலாம் என மத்திய அரசு தெரிவித்தது. அதன்படி, கச்சா எண்ணெய் விலைக்கு ஏற்ப பெட்ரோல், டீசல் விலை எண்ணெய் நிறுவனங்கள் நிர்ணயித்து வருகின்றன.
அந்தவகையில், கச்சா எண்ணெய் விலை 4.8 சதவீதம் குறைந்துள்ளது. இது கடந்த 17 மாதங்களில் இல்லாத சரிவு ஆகும். தற்போது பேரல் 45.88 டாலராக குறைந்துள்ளது. இந்தாண்டில் மட்டும் 24 சதவீதம் அளவிற்கு கச்சா எண்ணெயின் விலை குறைக்கப்பட்டுள்ளது.
கடந்த அக்டோபர் மாதம் பெட்ரோல், டீசல் விலை வரலாறு காணாத வகையில் உயர்ந்தது. அக்டோபர் மாதம் 17-ந் தேதி ஒரு லிட்டர் பெட்ரோல் விலை ரூ.86.10, டீசல் விலை ரூ.80.04 என்ற உச்சத்தை தொட்டது. இதனையடுத்து, பெட்ரோல், டீசல் மீதான உற்பத்தி வரியை மத்திய அரசு குறைத்தது. இதனால், பெட்ரோல், டீசல் விலை ஓரளவுக்கு குறைந்து வந்தன. தற்போது, கச்சா விலை தொடர்ந்து சரிந்து வருகிறது. இன்றைய நிலவரப்படி, சென்னையில் பெட்ரோல் லிட்டருக்கு ரூ. 73.11 காசுகளாகவும், டீசல் லிட்டருக்கு ரூ. 67.98 காசுகளாகவும் விலை நிர்ணயம் செய்யப்பட்டுள்ளன. நேற்றைய விலையில் இருந்து பெட்ரோல் விலை 18 காசுகள் குறைந்து, டீசல் விலை 16 காசுகள் குறைந்து விற்பனை செய்யப்பட்டு வருகிறது.