• search
சென்னை அப்டேட்டுகளுக்கு
நோட்டிபிகேஷனை அனுமதி  

CSK Memes:கொஞ்சம் கூட உத்வேகம் இல்லை.. ராஜஸ்தானிடம் மொத்தமாக சரணடைந்த சிஎஸ்கே.. தெறிக்கும் மீம்ஸ்

|

சென்னை: அனைத்து போட்டிகளிலும் வெற்றி பெற்றேயாக வேண்டும் என்ற நிலையில், ராஜஸ்தான் ராயல்சை நேற்றைய லீக் ஆட்டத்தில் சந்தித்தது சென்னை சூப்பர் கிங்ஸ். ஆனால் போட்டியை பார்த்த ரசிகர்களுக்குத்தான் பரபரப்பும், வெற்றி பெற வேண்டும் என்ற உத்வேகமும் இருந்தது. சென்னை சூப்பர் கிங்சுக்காக ஆடிய பெரும்பாலான வீரர்களுக்கு அது துளியும் இல்லை.

வந்தே பாரத் பிளைட் கிடைச்சா கூட ஊர் பக்கம் போய்விடலாமே என்று வாட்ச்சை திரும்ப திரும்ப பார்க்கும் மனநிலையில்தான் அவர்கள் இருந்தார்கள்.

அதன் விளைவாகத்தான், 20 ஓவர்கள் முடிவில், வெறும்.. ஆமாம்.. வெறும், 125 ரன்களை எடுத்தது சிஎஸ்கே. இருந்தாலும், 5 விக்கெட்டுகளை மட்டுமே இழந்துள்ளோம். இன்னும் 5 விக்கெட் பத்திரமாக இருக்கிறது என்ற பெருமிதம் அவர்கள் கண்களில் பார்க்க முடிந்தது.

எளிதான வெற்றி

எளிதான வெற்றி

இந்த ஸ்கோரை 17.3 ஓவர்களிலேயே, வெறும் 3 விக்கெட்டுகளை இழந்து கடந்து சென்று வென்றது ராஜஸ்தான் ராயல்ஸ். "இன்றுடன் இப்படம் கடைசி.." என்று டூரிங் டாக்கீஸ்களுக்காக போஸ்டர் ஒட்டுவதை போல சிஎஸ்கே பிளேஆப் கனவும் அத்தோடு கலைந்து போனது. போராடி தோற்றால் கூட பரவாயில்லை. தோற்பதற்காகவே போராடிக் கொண்டு இருந்தனர் சிஎஸ்கே வீரர்கள். விடுவார்களா ரசிகர்கள். பொங்கி தீர்க்கிறார்கள் மீம்ஸ் போட்டு. இதோ சில ஸ்பெஷல் ஐட்டங்களை பாருங்க.

தூங்கிவிட்டார்கள்

தூங்கிவிட்டார்கள்

சிஎஸ்கே பேட்டிங் செய்தபோது, பவுண்டரி லைனில் ராஜஸ்தாந் வீரர்கள், துண்டை விரித்து படுத்து தூங்கியே விட்டார்கள். ஏன்னா, எந்த பந்தும்தான் அந்த பக்கமே போகலியே. டெஸ்ட் மேட்சில் பவுண்டரிகள் செல்வது அரிதுதானே பாஸ்.

ரசிகர்கள் நிலைமை

ரசிகர்கள் நிலைமை

நேற்று தோற்ற பிறகும், சிஎஸ்கே வீரர்கள் ஜாலியாகத்தான் இருந்தார்கள். ரசிகர்கள்தான் இந்த போட்டோவில் இருக்கும் பிக்பாஸ் போட்டியாளர்களை போல ஒருவருக்கொருவர் ஆறுதல் சொல்லி மனசை தேற்றிக் கொண்டு இருந்தார்கள்.

பழம் பெருமை

பழம் பெருமை

நாங்கல்லாம் அந்த காலத்துல விளையாடுறப்போ என்று சிஎஸ்கே ரசிகர்கள் இனி பழம் பெருமைதான் பேச முடியும். இப்போ காலம் மாறிவிட்டது. சிஎஸ்கே பாயிண்ட் டேபிளின் கீழே போய்விட்டது என்று கிண்டல் செய்கிறது இந்த மீம்.

பந்துகளை சாப்பிட்ட தோனி

பந்துகளை சாப்பிட்ட தோனி

28 பந்துகளில் 28 ரன்கள் எடுத்து ஏறத்தாழ ஒரு டெஸ்ட் போட்டியை போல ஆடிக் கொண்டிருந்த தோனி பந்துகளை இப்படித்தான் போட்டு சாப்பிட்டார் என கிண்டல் செய்கிறது இந்த மீம்.

பொருத்தமான வரன் தேடுகிறீர்களா? தமிழ் மேட்ரிமோனியில் - பதிவு இலவசம்!

 
 
 
English summary
CSK memes on yesterday match is going viral in social media.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X