மகள் சவுந்தர்யா திருமணத்தில் கும்மியாட்டம்... குடும்பத்துடன் ரசித்த ரஜினி.. வைரல் வீடியோ

சென்னை: தமது மகள் சவுந்தர்யாவின் திருமணத்தில் பெண்கள் ஆடிய கும்மியாட்டத்தை குடும்பத்தினருடன் அமர்ந்து ரஜினிகாந்த் பார்த்து ரசித்த வீடியோ இணையத்தில் வைரலாகி உள்ளது.

சென்னையின் பிரபல தனியார் ஓட்டலில் சரஜினிகாந்தின் மகள் சவுந்தர்யாவுக்கும், தொழிலதிபர் விசாகன் வணங்காமுடிக்கும் வெகு சிறப்பாக திருமணம் நடைபெற்றது.

சவுந்தர்யாவிற்கு இது மறுமணம் என்பதால், மகனுடன் அமர்ந்து தாலி கட்டிக் கொண்ட நிகழ்வும் இத்திருமணத்தில் நடந்தது. திருமணத்துக்கு முதல்வர் எடப்பாடி பழனிசாமி, துணை முதல்வர் ஓ. பன்னீர்செல்வம், திமுக தலைவர் ஸ்டாலின், அமைச்சர்கள் கலந்து கொண்டனர்.

மத்திய அமைச்சர் பொன்.ராதாகிருஷ்ணன், திருநாவுக்கரசர், தமிழருவி மணியன் உள்ளிட்ட பல அரசியல் பிரமுகர்களும் திருமணத்தில் பங்கேற்றனர். மக்கள் நீதி மய்ய தலைவர் கமல்ஹாசன், மு.க.அழகிரி, பிரபு உள்ளிட்ட பலரும் கலந்து கொண்டு மணமக்களை வாழ்த்தினர்.

மதிமுக பொதுச்செயலாளர் வைகோ மணமக்களை வாழ்த்தியதோடு, இருவருக்கும் டாக்டர் மு.வரத ராசனார் எழுதிய திருக்குறள் தெளிவுரை என்ற புத்தகத்தை பரிசாக அளித்தார். ரஜினிகாந்தின் உறவினர்களும் திரையுலக பிரபலங்களுமான கஸ்தூரி ராஜா, செல்வராகவன், தனுஷ், இசை அமைப்பாளர் அனிருத், ஆகியோரும் திருமணத்தில் கலந்து கொண்டனர்.

திருமணத்தில், ரஜினியின் குடும்ப வழக்கப்படி பெண்களின் கும்மியாட்டம் இடம் பெற்றது. அவர்களின் கும்மியாட்டத்தை தமது குடும்பத்தினருடன் அமர்ந்து ரஜினிகாந்த் ரசித்தார்.அந்த வீடியோ காட்சிகள் தற்போது இணையத்தில் வைரலாகி உள்ளது.

மகள் சவுந்தர்யா திருமணத்தில் கும்மியாட்டம்... குடும்பத்துடன் ரசித்த ரஜினி.. வைரல் வீடியோ#SoundaryaRajinikanth #Vishagan #Rajinikanth #SoundaryaWedsVishagan #ViralVideo pic.twitter.com/AjBXUyLjBP

— Oneindia Tamil (@thatsTamil) February 11, 2019

English summary

Rajinikanth sitting and enjoyed with family members and enjoyed the dance in daughter soundarya marriage function.