RIP Mahendran: சீனியருக்காக தன் சொந்தப் பேரையே மாற்றிக் கொண்ட மகேந்திரன்!

By Jaya Chitra

Updated: Tuesday, April 2, 2019, 18:17 [IST]

Recommended Video

Director Mahendran:பிரபல திரைப்பட இயக்குனர் மகேந்திரன் காலமானார்

சென்னை: இயக்குநர் மகேந்திரன் தனது இயற்பெயரை மாற்றிக் கொண்ட கதை சுவாரஸ்யமானது.

பலர் நியூமராலஜிக்காக தனது பெயரை மாற்றிக் கொள்வார்கள். பெரும்பாலும் திரைத்துறையில் இருப்பவர்கள் தங்களது நிஜப் பெயரை மாற்றி, வேறொரு பெயரை வைத்துக் கொள்வது வழக்கம். ஒரு சிலரே பெற்றோர் வைத்த இயற்பெயருடன் சினிமாவில் ஜெயித்துள்ளனர்.

அந்தவகையில், தமிழ் சினிமாவின் மறக்க முடியாத ஆளுமையாக விளங்கிய இயக்குநர் மகேந்திரனின் இயற்பெயர் தேவ.அலெக்சாண்டர். பெற்றோர் வைத்த இப்பெயருடன் தான் அவர் பள்ளி மற்றும் கல்லூரி காலங்களைக் கடந்தார்.

விளையாட்டின் மீது தீவிர ஆர்வம் கொண்டவரான மகேந்திரன், பள்ளி, கல்லூரி காலங்களில் 1,500 மீட்டர் ஓட்டப் பந்தயத்தில் ஸ்டேட் ரேங்க்கில் வந்தவர். தனது கல்லூரியில் அவர் மிகவும் மதித்தது சீனியரான எல்.கே.மகேந்திரனைத் தான். காரணம் அவர் மிகச் சிறந்த விளையாட்டு வீரர்.

சீனியரின் மீது கொண்ட மரியாதை கலந்த பாசத்தால், தனது பெயரையும் மகேந்திரன் என மாற்றிக் கொண்டார் அலெக்சாண்டராக இருந்த மகேந்திரன். பின்னாளில் சினிமாவில் எவ்வளவோ உயரங்களைத் தொட்ட பிறகும், மகேந்திரன் என்ற பெயரையே தன் அடையாளமாக அவர் ஆக்கிக் கொண்டார் என்பது குறிப்பிடத்தக்கது.