ஸ்டாலினுக்கு எதிராக கம்பு சுற்றும் பாமக.. இப்படியே போய்ட்டு இருந்தா எப்படி?.. என்ட் தான் என்ன?!!

ராமதாஸ் குறித்த முக ஸ்டாலினின் பேச்சிற்கு பாமகவினர் கண்டனம் தெரிவித்து வருகின்றனர்.

Published: Wednesday, February 20, 2019, 15:10 [IST]

யாருடன் கூட்டணி?

இது சம்பந்தமாக கருத்து சொன்ன திமுக தலைவர் மு.க.ஸ்டாலின், டாக்டர் ராமதாஸை, சூடு இல்லை சொரணை இல்லை, வெட்கம் இல்லை என்று மிகக் கடுமையாக தாக்கிப் பேசினார். இதுவரை டாக்டர் ராமதாஸ் யாருடனெல்லாம் கூட்டணி அமைத்தார் என்பது குறித்த விவரங்களையும் திமுகவினர் இணையத்தில் பதிவிட்டு வருகின்றனர்.

திமுக ஒழுங்கா?

இது பாமகவினருக்கு கடும் ஆத்திரத்தை ஏற்படுத்தி உள்ளது. இதனால் திமுகவுக்கு எதிராக குறிப்பாக ஸ்டாலினை தாக்கியும், அவருக்கு எதிராகவும் ட்வீட்கள், போட்டோக்களை வைரலாக்கி வருகின்றனர். பாமகவை மட்டும் மாறி மாறி கூட்டணி வைத்ததாக குறை சொல்லுகிறீர்களே, திமுக மட்டும் என்ன ஒழுங்கா என்று கேட்பது போல ஒரு போட்டோவை பதிவிட்டுள்ளனர்.

தொடரும்

அதில் வருஷ வாரியாக யாருடன் திமுக கூட்டணி வைத்தது என்று கொட்டை எழுத்தில் உள்ளது. 1971-காங்கிரஸ், 1977-ஜனதா பார்ட்டி, 1980-காங்கிரஸ், 1984-ஜனதா பார்ட்டி, 1989-ஜனதா தள், 1991-3-ம் அணி, 1996-ஜனதா, 1998-ஜனதா, 1999-பாஜக, 2004-காங்கிரஸ், 2019-காங்கிரஸ்.. என்று எழுதப்பட்டு.. "தொடரும்" என்றும் குறிப்பிடப்பட்டுள்ளது.

கம்பு சுத்துகிறார்

இதில் ஒரு மைதானத்தின் நடுவில் ஸ்டாலின் டி-ஷர்ட் பேன்ட் இன் செய்து கொண்டு கையில் கையில் கம்பு சுத்தி விளையாடுவது போல சித்தரிக்கப்பட்டுள்ளது. அதாவது மாறி மாறி மத்தியில் கூட்டணி அமைத்து வருவதைதான் இப்படி சிம்பாலிக்காக சொல்லி இருக்கிறார்களாம்.

வைரல் போட்டோ

ஸ்டாலின் கம்பு சுத்தி விளையாடுவதை சுற்றிலும் கட்சிக்காரர்கள், மீடியாக்கள், பாதுகாப்பு வீரர்கள், நின்று கொண்டு கைதட்டி ரசிப்பது போல உள்ளது. இதுதான் இப்போது வைரலாகி கொண்டிருக்கிறது. இப்படியே போய்ட்டு இருந்தா எப்படி? இதுக்கு என்ட் தான் என்ன?!!