• search
சென்னை அப்டேட்டுகளுக்கு
நோட்டிபிகேஷனை அனுமதி  

கொரோனாக்களிடம் இருந்து திமுகவை காப்போம்... சீண்டிப் பார்க்கும் அழகிரி ஆதரவாளர்களின் தடாலடி போஸ்டர்

|

சென்னை: கொரோனாக்களிடம் இருந்து திமுகவை காப்போம் என்று மறைந்த முன்னாள் முதல்வர் கருணாநிதியின் பிறந்த நாளை முன்னிட்டு மு.க. அழகிரி ஆதரவாளர்கள் ஒட்டியுள்ள போஸ்டர் சர்ச்சையை ஏற்படுத்தியிருக்கிறது.

மறைந்த முன்னாள் முதல்வரும் திமுக தலைவருமான கருணாநிதியின் 97-வது பிறந்த நாள் நாளை கொண்டாடப்படுகிறது. இதனை முன்னிட்டு பல்வேறு நிகழ்ச்சிகளுக்கு திமுகவினர் ஏற்பாடு செய்துள்ளனர்.

Exclusive: காரிலேயே பிரச்சனைகளை பேசி தீர்த்துடுவார்... கருணாநிதி பற்றி சிலாகிக்கும் சண்முகநாதன்

கருணாநிதி பிறந்த நாள்

கருணாநிதி பிறந்த நாள்

திமுக தலைவர் ஸ்டாலின் இது தொடர்பாக வெளியிட்ட அறிக்கையில், ஜூன் 3-ம் தேதியன்று நல்ல உதவிகள் செய்ய உகந்த நாளாக மாற்றிக் காட்ட வேண்டும். கொரோனா விழிப்புணர்வு பிரச்சாரம், முகக்கவசம் மற்றும் கிருமிநாசினி வழங்குதல், அரிசி, பருப்பு போன்ற மளிகைப் பொருட்கள் வழங்குதல், காய்கறிகள் வழங்குதல், வாழ்வாதாரம் பாதிக்கப்பட்டவர்களுக்கு நிதி உதவி செய்தல், அபலைகள், வீடற்றவர்கள், புலம் பெயர்ந்த தொழிலாளர்களுக்கு உணவளித்தல், கரோனா நோய்த் தொற்றால் பாதிக்கப்பட்டுத் தனிமைப்படுத்தப்பட்டிருப்பவர்களின் குடும்பங்களுக்குத் தேவையான உதவிகளைச் செய்தல் என, நம்மால் முடிந்த அளவிலான பணிகளை கருணாநிதி பிறந்த நாளில் செய்ய வேண்டும் என்று வேண்டுகோள் விடுத்திருந்தார்.

அழகிரி ஆவர்த்தனம்

அழகிரி ஆவர்த்தனம்

இந்த நிலையில் கருணாநிதி காலத்திலேயே திமுகவில் இருந்து நீக்கப்பட்ட அவரது மூத்த மகன் மு.க. அழகிரியின் ஆதரவாளர்கள் இந்த ஆண்டும் தடலாடி போஸ்டர்களை ஒட்டி இருக்கின்றனர். கருணாநிதி மறைந்த உடனேயே திமுகவில் மீண்டும் இடம்பிடிக்க மு.க. அழகிரி முயன்றார். ஆனால் அந்த முயற்சி கைகூடவில்லை. இதனால் தனி அமைப்பு அல்லது கட்சி தொடங்குவதற்கு முன்னோட்டமாக மாவட்டங்கள் தோறும் சென்று கருணாநிதி நினைவேந்தல் நிகழ்ச்சி நடத்தினார்.

திமுக மீது விமர்சனம்

திமுக மீது விமர்சனம்

ஆனால் திமுக தலைமையின் சமாதானப் பேச்சுகளால் அழகிரி அமைதி காத்தார். இதன்பின்னரும் அழகிரி திமுகவில் சேர்க்கப்படவில்லை. இதனால் அழகிரி, ரஜினிகாந்த் தலைமையிலான கட்சியில் இணைவார், பாஜகவில் ஆதரவாளர்களுடன் இணைவார் என்றெல்லாம் கூறப்பட்டு வருகிறது. ஆனால் அழகிரியோ, திமுகவை விமர்சிப்பதை மட்டும் பதிலாக வைத்து வருகிறார்.

அழகிரி ஆதரவாளர்கள் போஸ்டர்கள்

அழகிரி ஆதரவாளர்கள் போஸ்டர்கள்

தற்போது மு.க. அழகிரியின் ஆதரவாளர்கள் திமுக தலைமையை சீண்டும் வகையில் போஸ்டர்கள் ஒட்டியுள்ளனர். அதில், உடன்பிறப்புகளின் உதிரம் குடிக்கும் 'கொரோனா'க்களிடம் இருந்து கழகத்தை காத்திட உன் பிறந்த நாளில் உறுதியேற்கிறோம் என பதிவு செய்துள்ளனர். இது திமுகவினரை சீண்டும் வகையில் இருப்பதால் கட்சி மேலிடத்துக்கு இந்த போஸ்டர்கள் குறித்து புகார் தெரிவித்துள்ளனர்.

பொருத்தமான வரன் தேர்ந்தெடுக்க தமிழ் மேட்ரிமோனி - இன்றே பதிவு செய்யுங்கள , பதிவு இலவசம்!

 
 
 
English summary
DMK shows angry over Former Union Minister MK Azhagiri supporter's Poster for Karunanidhi Birthday.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more