மார்ச் 2 முதல் திமுக வேட்பாளர் நேர்காணல்.. பரிந்துரைகள் கூடாது என அறிவிப்பு

சென்னை: மார்ச் 2 முதல் திமுக வேட்பாளர் நேர்காணல் நடைபெறும். பரிந்துரைகள் கூடாது என்று திமுக கட்சி தலைமை அறிவித்துள்ளது.

தி.மு.க. வேட்பாளர்கள் நேர்காணல் பற்றி திமுக தலைமைக் கழகம் வெளியிட்ட அறிவிப்பு:

தமிழ்நாடு - புதுச்சேரி சட்டப்பேரவை பொதுத் தேர்தலுக்கு போட்டியிட விரும்பி தலைமைக் கழகத்திற்கு விண்ணப்பம் செலுத்தியவர்களை கழகத் தலைவர் அவர்கள் 2-1-2021 முதல் ----2021ஆம் தேதி வரை, பின்வரும் மாவட்ட வாரியாக சென்னை, அண்ணா அறிவாலயத்தில், உள்ள கழக அலுவலகத்தில் நேர்காணல் வாயிலாக சந்தித்து தொகுதி நிலவரம் - வெற்றி வாய்ப்புகள் குறித்து ஆராய்ந்து அறிந்திட இருக்கிறார்கள்.

குறிப்பிட்டுள்ள தேதிகளில் குறிப்பிடப்பட்டுள்ள மாவட்டத்தைச் சேர்ந்த மாவட்டக் கழகச் செயலாளர் பொறுப்பாளர்கள் மட்டும் வரவேண்டும். மாவட்டக் கழக நிர்வாகிகள் மற்றும் ஒன்றிய, நகர, பகுதிக் கழகச் செயலாளர்கள் வரவேண்டிய அவசியமில்லை.

வேட்பாளர்கள் தங்களுக்கான ஆதரவானவர்களையோ பரிந்துரையாளர்களையோ அழைத்து வரக்கூடாது என்றும், அவர்களையெல்லாம் நேர்காணலுக்கு கண்டிப்பாக அனுமதிக்க இயலாது என்றும் தெரிவிக்கப்படுகிறது. இவ்வாறு அதில் தெரிவிக்கப்பட்டுள்ளது.