குடியரசு தினம்... இந்திய குடிமக்களின் தினம்...ஸ்டாலினின் குடியரசு தின வாழ்த்து
சென்னை : குடியரசு தினம்; இந்தியக் குடிமக்களின் தினம் என திமுக தலைவர் மு.க.ஸ்டாலின் பேஸ்புக்கில் வெளியிட்டுள்ள குடியரசு தின வாழ்த்துச் செய்தியில் குறிப்பிட்டுள்ளார்.
நாட்டின் 72 வது குடியரசு தினம் இன்று உலகம் முழுவதிலும் உள்ள இந்தியர்களால் கொண்டாடப்பட்டு வருகிறது. உலக நாடுகளின் தலைவர்கள் பலரும் இந்திய மக்களுக்கு தெரிவித்துள்ளனர். இந்திய தலைவர்கள் பலரும் ட்விட்டர் பக்கத்திலும், அறிக்கையாகவும் வாழ்த்துச் செய்திகளை வெளியிட்டு வருகின்றனர்.
ஏகாதிபத்திய வெள்ளையர்களால் ஆளப்பட்ட அடிமை அரசில் இருந்து விடுதலை பெற்று - நமக்கு நாமே ஒரு குடியரசையும் சட்டத்தையும்...
Posted by M. K. Stalin onMonday, 25 January 2021
இதில் பேஸ்புக்கில் ஸ்டாலின் வெளியிட்ட வாழ்த்து செய்தி :
ஏகாதிபத்திய வெள்ளையர்களால் ஆளப்பட்ட அடிமை அரசில் இருந்து விடுதலை பெற்று - நமக்கு நாமே ஒரு குடியரசையும் சட்டத்தையும் உருவாக்கி ஆளத் தொடங்கிய நாள் ஜனவரி 26, குடியரசு தினம்; இந்தியக் குடிமக்களின் தினம்.
இந்திய நிர்வாகம் என்பது ஜனநாயக - சமத்துவ - சகோதரத்துவ - அறநெறி விழுமியங்களுடன் செயல்படும் என்பதை நாம் உலகுக்குச் சொன்ன நாள் இது!
அதே நெறிமுறைகளுடன் எந்நாளும் வாழ்வோம்! நாட்டு மக்கள் அனைவருக்கும் குடியரசு தின நல்வாழ்த்துகள்!
இவ்வாறு ஸ்டாலின் குறிப்பிட்டுள்ளார்.