3 சென்னையையும் தூக்கி திமுக வாரிசுகளிடம் கொடுத்த மக்கள்!
Recommended Video
சென்னை: தயாநிதிமாறன், கலாநிதி வீராசாமி, தமிழச்சி தங்கபாண்டியன் ஆகிய திமுக வேட்பாளர்கள் முன்னிலை வகித்து வருகின்றனர். அந்த தொகுதிகளை அவர்கள் கைப்பற்றுவார்களா என்ற கேள்வி எழுந்துள்ளது.
சென்னை: தயாநிதிமாறன், கலைநிதி வீராசாமி, தமிழச்சி தங்கபாண்டியன் ஆகிய திமுக வேட்பாளர்கள் முன்னிலை வகித்து வருகின்றனர். அந்த தொகுதிகளை அவர்கள் கைப்பற்றுவார்களா என்ற கேள்வி எழுந்துள்ளது.
நாடு முழுவதும் நாடாளுமன்றத் தேர்தலுக்கான வாக்கு எண்ணிக்கை நடைபெற்று வருகிறது. இதில் மொத்தமுள்ள 38 தொகுதிகளில் (வேலூர் நீங்கலாக) 36 தொகுதிகளில் திமுக முன்னிலை வகித்து வருகிறது.
இதில் மத்திய சென்னை, வட சென்னை, தென் சென்னை ஆகிய 3 தொகுதிகளில் திமுக வேட்பாளர்கள் முன்னிலை பெற்று வருகின்றனர்.
இந்தியாவே ஒரு பக்கம் நிற்க.. தனித்து நின்று வேறுபடும் தமிழகம்.. பாஜகவை மொத்தமாக புறக்கணித்தது!
மூன்று வாரிசுகள்
இதில் போட்டியிடுவோர் மூவரும் வாரிசுகளாவர். தென் சென்னையில் தமிழச்சி தங்கபாண்டியனும், மத்திய சென்னையில் தயாநிதி மாறனும் வடசென்னையில் கலாநிதி வீராசாமியும் போட்டியிட்டனர். இவர்கள் தங்கபாண்டியனின் மகள் தமிழச்சி தங்கபாண்டியன், ஆற்காடு வீராசாமியின் மகன் கலாநிதி வீராசாமி, மாறனின் மகன் தயாநிதி மாறன்.
தமிழச்சி தங்கபாண்டியன்
லோக்சபா தொகுதிகளில் மிக முக்கியமான தொகுதி தென் சென்னையாகும். இங்கு அமைச்சர் ஜெயக்குமாரின் மகன் ஜெயவர்தன் எம்பியாக உள்ளார். இவரை எதிர்த்து தமிழச்சி தங்கபாண்டியன் திமுக சார்பில் களமிறக்கப்பட்டார். இந்த தொகுதியில் சி.என்.அண்ணாதுரை, முன்னாள் ஜனாதிபதி ஆர் வெங்கட்ராமன், வைஜெயந்தி மாலா பாலி, டிஆர் பாலு உள்ளிட்டோர் போட்டியிட்டு வெற்றி பெற்ற தொகுதியாகும்.
பெரம்பூரில் மக்கள் நீதி மய்யம் அபாரம்.. அதிமுகவுடன் கடும் போட்டி.. அமமுக வெற்றிவேல் பரிதாபம்
தயாநிதி மாறன்
தண்ணீர் பற்றாக்குறை அதிகமுள்ள தொகுதி மத்திய சென்னையாகும். இங்கு தயாநிதி மாறனும் பாமகவின் சாம் பாலும் நேருக்கு நேர் போட்டியிட்டனர். இந்த தொகுதியின் எம்பியாக இருந்தவர் அதிமுகவின் எஸ்ஆர் விஜயகுமார். தயாநிதி மாறன் இந்த தொகுதியில் போட்டியிட்டு இரு முறை எம்பியாகியுள்ளார்.
கலாநிதி வீராசாமி
வடசென்னை மக்களவை தொகுதியும் தண்ணீர் பிரச்சினை நிலவும் தொகுதிகளில் ஒன்றாகும். இங்கு திமுக சார்பில் ஆற்காடு வீராசாமியின் மகன் கலாநிதி வீராசாமி, தேமுதிக வேட்பாளர் ஆர் மோகன்ராஜும் போட்டியிட்டனர். இந்த 3 தொகுதிகளிலும் திமுக முன்னிலையில் உள்ளது.
2014ல் அதிமுக 37, 2019ல் திமுக 37.. பாஜக எதிர்ப்பு.. தமிழகத்தின் மரபணு என்பது மீண்டும் நிரூபணம்..!