மமதா பானர்ஜியின் ஸ்டைலுக்கு மாறிய கனிமொழி? அடடே! ஆச்சரியத்தில் திமுக
சென்னை: திமுக எம்.பி.யும் மகளிர் அணி செயலாளருமான கனிமொழியின் திடீர் உடை மாற்றம்தான் அரசியல் அரங்கில் விவாதப் பொருளாக மாறி உள்ளது.
சென்னையில் இன்று குடியுரிமை சட்ட திருத்தம் மற்றும் தேசிய குடிமக்கள் பதிவேடு நடைமுறை ஆகியவற்றுக்கு எதிராக தொடர் இசை முழக்கப் போராட்டம் நடைபெற்றது. இதில் கனிமொழி உள்ளிட்டோர் பங்கேற்றனர்.
இப்போராட்டத்தில் பங்கேற்ற கனிமொழி, தமது ட்விட்டர் பக்கத்தில் படங்களையும் பதிவிட்டுள்ளார். மூத்த இடதுசாரி தலைவர் நல்லகண்ணுடன் பேசிக் கொண்டிருக்கும் ஒரு படமும், மேடையில் பேசுகிற மற்றொரு படமும் அவரது ட்விட்டர் பக்கத்தில் பதிவிடப்பட்டுள்ளன.
இப்படங்கள்தான் திமுக வட்டாரங்களில் தற்போது ஆச்சரியமான பேசு பொருளாகி உள்ளன. மேற்கு வங்க முதல்வர் மமதா பானர்ஜியை போல உடை, சிகை அலங்காரம் செய்தது போல் இருக்கிறார் கனிமொழி.
இன்று குடியுரிமை திருத்தச் சட்டம் மற்றும் தேசிய குடிமக்கள் பதிவேட்டிற்கு எதிராக சென்னையில் நடைபெற்ற தொடர் இசை முழக்கப் போராட்டத்தில் pic.twitter.com/B3DQGnRW26
— Kanimozhi (கனிமொழி) (@KanimozhiDMK) December 26, 2019
மேடையில் அவர் பேசுவதும் மமதாவை நினைவூட்டுவதைப் போல இருக்கிறது. இது யதேச்சையான ஒன்றா? அல்லது முடிவெடுத்து செய்ததா? என்பது தெரியவில்லை.
ஏனெனில் தமிழகம் இப்படியாக உடை,நடை,சிகை அலங்கார மாற்றத் தலைவர்களை கண்டிருக்கிறது. அவைகள் போலித்தனமாக இருந்தன அதனால் நகைப்புக்குரியதாகின.
ஆனால் கனிமொழியின் இந்த அவதாரம் குறித்து பேசும் திமுக உடன்பிறப்புகள், டெல்லி அரசியலில் தீவிரம் காட்டுவதாலோ என்னவோ 'அக்கா இப்படி மாறிட்டாங்களோ' என்னவோ என சிலாகிக்கின்றனர்.