ரஜினி கூட்டணியில் யார் முதல்வர் வேட்பாளர்? ராமதாஸுக்கு திமுக எம்பி செந்தில்குமார் கேள்வி
சென்னை: ரஜினிகாந்த் தலைமையிலான கூட்டணியில் பாமக இணையும் என்று தமிழருவி மணியன் கூறியுள்ளதை முன்வைத்து முதல்வர் வேட்பாளர் யார் என? பாமக நிறுவனர் ராமதாஸுக்கு திமுக எம்.பி. செந்தில்குமார் கேள்வி எழுப்பியுள்ளார்.
ரஜினிகாந்த் ஏப்ரல் 14-ல் கட்சியை தொடங்குவார்; ரஜினிகாந்த் தலைமையிலான கூட்டணியில் பாமக இணையும் என்று தமிழருவி மணியன் இந்தியன் எக்ஸ்பிரஸ் நாளேட்டுக்கு அளித்த பேட்டி ஒன்றில் தெரிவித்துள்ளார். இது தமிழக அரசியலில் பெரும் பரபரப்பை ஏற்படுத்தியுள்ளது.
இதனை முன்வைத்து திமுக எம்.பி. செந்தில்குமார் தமது ட்விட்டர் பக்கத்தில் பதிவிட்டுள்ளதாவது:
ஐயா @drramadoss எனக்கு ஒரு டவுட்டு., அப்போ டீ கடை ஓனர் நீங்க இல்லையா 😉.
உங்க கூட்டணி கட்சி முதல்அமைச்சர் 😜 வேட்பாளர் @draramadoss அல்லது @rajinikanth ஆ என்பது கொஞ்சம் தெளிவுபடுத்துங்கள் ஐயா. நம்ப Booth la இருக்க பசங்க கொழம்பி போய் இருக்காங்க.😊
இவ்வாறு செந்தில்குமார் பதிவிட்டுள்ளார்.