சென்னை அப்டேட்டுகளுக்கு
நோட்டிபிகேஷனை அனுமதி  
Just In
Oneindia App Download

வைகோவிற்கு நன்றி.. நீங்கள்தான் எங்கள் போர்வாள்.. மதிமுகவை புகழ்ந்து தள்ளிய ஸ்டாலின்.. உருக்கம்!

மதிமுக, திமுக இடையிலான உறவு மிகவும் நெருக்கமாகி உள்ளது சந்தோசம் அளிக்கிறது என்று திமுக தலைவர் ஸ்டாலின் குறிப்பிட்டுள்ளார்.

Google Oneindia Tamil News

சென்னை: மதிமுக, திமுக இடையிலான உறவு மிகவும் நெருக்கமாகி உள்ளது சந்தோசம் அளிக்கிறது என்று திமுக தலைவர் ஸ்டாலின் குறிப்பிட்டுள்ளார்.

திமுகவின் மறைந்த தலைவர் அறிஞர் அண்ணாவின் 111வது பிறந்த நாள் இன்று கொண்டாடப்படுகிறது. இதையடுத்து மதிமுக சார்பில் அண்ணா பிறந்தநாள் விழா மாநாடு சென்னையில் நடைபெற்றது.

சென்னை நந்தனம் ஒய்எம்சிஏ மைதானத்தில் விழா நடந்தது. மதிமுக பொதுச்செயலாளர் வைகோ, திமுக தலைவர் ஸ்டாலின் விழாவில் கலந்து கொண்டனர்.

தினமும் போராடுவோம்.. இந்தியாவே ஒரே மாதிரி என்றால் தமிழகம் தனி மாதிரி.. ஸ்டாலின் மாஸ் பேச்சு!தினமும் போராடுவோம்.. இந்தியாவே ஒரே மாதிரி என்றால் தமிழகம் தனி மாதிரி.. ஸ்டாலின் மாஸ் பேச்சு!

என்ன உறவு

என்ன உறவு

சென்னை நந்தனம் ஒய்எம்சிஏ மைதானத்தில் நடைபெறும் மதிமுக மாநாட்டில் பேசிய மு.க.ஸ்டாலின் மதிமுகவுடன் திமுகவிற்கு உள்ள உறவு குறித்து பேசினார். அதில், நானும் அண்ணன் வைகோவும் பல மேடைகளில் ஒன்றாக இருந்திருக்கிறோம். தேர்தல் கூட்டம், திமுக கூட்டங்களில் கலந்து கொண்டு இருக்கிறோம்.

ஏன் நெருக்கம்

ஏன் நெருக்கம்

ஆனால் இந்த மாநாடு என் மனதிற்கு நெருக்கமானது. இந்த மாநாடு சிறப்பானது. ஏனென்றால் நான் கலந்து கொள்ளும் முதல் மதிமுக கட்சி மாநாடு, இந்த மாநாடு. பொது மேடைகளில் கலந்து கொண்டுள்ளோம். ஆனால் இதுதான் முதல் மதிமுக மாநாடு.

உறவு எப்படி

உறவு எப்படி

திமுக - மதிமுக உறவு மிகவும் நெருக்கமாகி உள்ளது. நீர் அடித்து நீர் விலகாது என்பது போல் நாம் ஒன்றாகி உள்ளோம். தனித்தனி வீட்டில் இருந்தாலும் நாம் எல்லாம் ஒரே தாயின் மகன்கள். அறிஞர் அண்ணாதான் நம்மை இணைத்து வருகிறார். தமிழர்களை இணைக்கும் சக்தி அண்ணா.

என்ன பிரிவு

என்ன பிரிவு

பிரிந்திருந்திருக்கும் தமிழர்களை இணைக்கும் சொற்கள் தமிழ், தமிழர், திராவிடம், அண்ணா, கருணாநிதி ஆகியவை ஆகும். திமுகவில் நான் எப்படி நிரந்தர தளபதியோ, அதேபோல் நிரந்தர போர்வாள் வைகோ. திமுகவுக்கு பக்கபலமாக இருக்கிறார் வைகோ, வைகோவிற்கு திமுக சார்பாக நன்றி.

மகிழ்ச்சி

மகிழ்ச்சி

அதனால்தான் மதிமுக மேடையில் ஸ்டாலின் நிற்கிறான். இது பலருக்கு ஆச்சர்யமாக, பொறாமையாக இருக்கலாம். ஆனால் எங்கள் உறவு இப்படித்தான். இதுதான் கருணாநிதி, அண்ணா அவர்களின் கனவு. திமுகவிற்கு பக்க துணையாக வைகோ இருந்து வருவது மகிழ்ச்சி அளிக்கிறது, என்று ஸ்டாலின் குறிப்பிட்டுள்ளார்.

English summary
DMK's relationship with MDMK becomes so strong says M K Stalin in Chennai.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X