Click it and Unblock the Notifications
Don't Miss
-
வீட்டில் கிச்சன், பெட்ரூம் மற்றும் பாத்ரூம் இருக்க வேண்டிய இடம் எது தெரியுமா? வாஸ்து சொல்வது என்ன? -
கோடிகளில் உதவும் மத்திய அரசு.. தேடி வரும் பணம்.. இப்படி ஒரு திட்டத்தை பற்றி தெரியுமா? -
Actor Vishal: வெளியானது விஷாலின் ரத்னம் பட ட்ரெயிலர்.. என்னது இவ்ளோ கெட்ட வார்த்தைகளா? -
ஹீரோ மேவ்ரிக் டெலிவரி பணிகள் தொடங்கிருச்சு... சந்தோஷமா வந்து வாங்கிட்டு போன வாடிக்கையாளர்கள்!! எவ்ளோ சந்தோஷம்! -
ரூ.10,000 போன் ரூ.6,000-க்கு.. Amazon-ன் Summer Sale-ல்.. செம்ம டிமாண்ட் ஆகும் Itel போன்.. 12GB ரேம் வேற! -
IPL 2024 : சிஎஸ்கே வச்ச ட்விஸ்ட்.. மும்பை இந்தியன்ஸ் அணியில் விரிசல்.. தூக்கத்தை தொலைத்த ஹர்திக் பாண்டியா -
25 சதவீத இடஒதுக்கீட்டில் இலவச சேர்க்கை தனியார் பள்ளிகளுக்கு புதிய அறிவுறுத்தல்...!! -
தமிழக அரசு சார்பில் சென்னையில் கோடை நீச்சல் முகாம்கள் – உங்கள் வீட்டு குட்டீஸ்களை சேர்க்க மறக்காதீர்கள்!
துரைமுருகன் மீண்டும் மருத்துவமனையில் அனுமதி... 3வது முறையாக உடல் நல பாதிப்பு
சுகவீனம் காரணமாக துரைமுருகன் ஆஸ்பத்திரியில் அனுமதிக்கப்பட்டுள்ளார்
Recommended Video
சென்னை: திமுக பொருளாளரும் மூத்த தலைவருமான துரைமுருகனுக்கு திடீரென உடல்நலக்குறைவு ஏற்பட்டுள்ளது. இதனையடுத்து அவர் சென்னை அப்பல்லோ மருத்துவமனையில் அனுமதிக்கப்பட்டுள்ளார்.
குறைந்த காலத்தில் 3வது முறையாக அவர் உடல் நல பாதிப்புக்குள்ளாகி மருத்துவமனையில் அனுமதிக்கப்பட்டிருப்பதால் திமுகவினர் சோகமடைந்துள்ளனர்.
அதிகமாக உணர்ச்சிவசப்படக்கூடியவர் துரைமுருகன். ஒருபக்கம் உணர்ச்சிவசப்படுவது இருந்தாலும், மறுபக்கம் அவருக்கு இருதய தொந்தரவும் இருக்கிறது. கருணாநிதி இறந்த சமயத்தில்கூட மருத்துவமனையில் உடல்நலக்குறைவு ஏற்பட்டு சிகிச்சை பெற்று வீடு திரும்பினார்.
காய்ச்சல்
தேர்தல் ரிசல்ட் அன்று அதாவது கடந்த 23-ம் தேதி துரைமுருகனுக்கு திடீரென்று உடம்பு சரியில்லாமல் போய்விட்டது. இதனால் ஆயிரம் விளக்கு பகுதியிலுள்ள அப்போலோ மருத்துவமனையில் அனுமதிக்கப்பட்டார். காய்ச்சல் மற்றும் சிறுநீரக தொற்று இருப்பதாக டாக்டர்கள் சொன்னார்கள். பின்னர் சிகிச்சை முடிந்து வீடு திரும்பினார்.
மன உளைச்சல்
வெற்றி பெற்ற திமுக எம்எல்ஏக்கள் பதவியேற்று கொண்ட நிகழ்வில்கூட துரைமுருகன் கலந்து கொள்ளவில்லை. தனது மகனை தேர்தல் களத்தில் நிறுத்த முடியவில்லை என்ற மன உளைச்சலில்தான் இருந்தார் துரைமுருகன்.
உடல்நிலை பரிசோதனை
சிறிது நாட்களாக முன்னர் உடல்நிலை ஓரளவு தேறி இருந்தாலும், காய்ச்சல் மட்டும் இன்னும் குணமாகவில்லை என்பதால், சென்னையிலேயே தங்கி அப்போல்லோவில் உடல்நிலையை சோதனை மேற்கொண்டு வருகிறார் என்றும் தகவல்கள் வந்தன.
பேட்டி
நேற்றுகூட தமிழகத்தில் நிலவும் தண்ணீர் பஞ்சம் குறித்தும், அதிமுக அரசையும் குறை கூறி செய்தியாளர்களிடம் பேசினார் துரைமுருகன். இந்நிலையில், அவருக்கு திரும்பவும் உடல் சுகவீனம் அடைந்துள்ளதாக கூறப்படுகிறது.
கவலை
இதனால் வழக்கமாக சிகிச்சை மேற்கொள்ளும் சென்னை ஆயிரம்விளக்கு பகுதியிலுள்ள அப்போலோ மருத்துவமனையில் அனுமதிக்கப்பட்டுள்ளார். அங்கு அவருக்கு தீவிர சிகிச்சை அளிக்கப்பட்டு வருகிறது. திமுக எம்பிக்கள் நேற்று பதவியேற்ற சந்தோஷம் அடங்காத நிலையில், துரைமுருகன் ஆஸ்பத்திரியில் உள்ளது, தொண்டர்களுக்கு கவலையையும் அதிர்ச்சியையும் ஏற்படுத்தி உள்ளது.
