வணக்கத்துடன் வாழ்த்துகிறேன்.. ராமதாசுக்கு ஸ்டாலின் பிறந்தநாள் வாழ்த்து
சென்னை: பா.ம.க. நிறுவனர் டாக்டர் ராமதாசுக்கு இன்று 80வது பிறந்தநாள். இதை முத்து விழா என்று அழைப்பது வழக்கம். எனவே, கூட்டணி கட்சித் தலைவர்கள் மட்டுமின்றி, எதிர்க்கட்சிகளில் இருந்தும், அவருக்கு வாழ்த்துக்கள் குவிந்து வருகின்றன.
ட்விட்டரில், #தமிழினப்போராளி80 என்ற ஹேஷ்டேக் தேசிய அளவில் டிரெண்ட்டாகி வருகிறது.
ராமதாசை, முதல்வர் எடப்பாடி பழனிசாமி தொலைபேசியில் தொடர்புகொண்டு வாழ்த்து தெரிவித்தார். "பொது வாழ்வில் தங்களை ஈடுபடுத்திக் கொண்டு மக்களுக்காக உழைக்கும் தாங்கள் நல்ல உடல் நலத்துடன் பல்லாண்டு, பல்லாண்டு காலம் நீடுழி வாழ, இறைவனை வேண்டி என் இதயம் நிறைந்த பிறந்தநாள் நல்வாழ்த்துக்களை அன்புடன் தெரிவித்துக் கொள்கிறேன்" என்று அவர் அப்போது கூறினார்.
பாட்டாளி மக்கள் கட்சியின் நிறுவனத் தலைவர் மருத்துவர் @drramadoss அய்யா அவர்களுக்கு இதயமார்ந்த பிறந்தநாள் வாழ்த்துகளைத் தெரிவித்து மகிழ்கிறேன். “முத்து விழா”வினைக் கொண்டாடும் அய்யா அவர்கள் சிறப்பான உடல்நலனுடனும், நிறைவான மனவளத்துடனும், நீண்ட காலம் வாழ, வணக்கத்துடன் வாழ்த்துகிறேன்!
— M.K.Stalin (@mkstalin) July 25, 2019
எதிர்க்கட்சித் தலைவரும், திமுக தலைவருமான மு.க.ஸ்டாலின் வெளியிட்ட ட்வீட்டில், பாட்டாளி மக்கள் கட்சியின் நிறுவனத் தலைவர் மருத்துவர் ராமதாஸ் அய்யா அவர்களுக்கு இதயமார்ந்த பிறந்தநாள் வாழ்த்துகளைத் தெரிவித்து மகிழ்கிறேன். "முத்து விழா"வினைக் கொண்டாடும் அய்யா அவர்கள் சிறப்பான உடல்நலனுடனும், நிறைவான மனவளத்துடனும், நீண்ட காலம் வாழ, வணக்கத்துடன் வாழ்த்துகிறேன்! இவ்வாறு ஸ்டாலின் தெரிவித்துள்ளார்.