எடப்பாடி பழனிச்சாமி ஆங்கில உச்சரிப்பு.. சீமான் ஆதங்கம்.. வைரலாகும் வீடியோ மீம்!
Recommended Video
சென்னை: தமிழக முதல்வர் எடப்பாடி பழனிச்சாமிக்கு, லாஸ்ஏஞ்சல்ஸ், சான்பிரான்சிஸ்கோ என்று கூட உச்சரிக்க தெரியவில்லை என்று விமர்சனம் செய்யும் வகையிலான, ஒரு வீடியோ மீம், சமூக வலைத்தளங்களான வாட்ஸ்அப் உள்ளிட்டவற்றில் வைரலாக சுற்றி வருகிறது.
அந்த வீடியோவில் நாம் தமிழர் கட்சி தலைமை ஒருங்கிணைப்பாளர் சீமான் பேட்டிதான் முதலில் இடம் பெற்றுள்ளது. அவர் பேட்டியின்போது, 5 மற்றும் 8ம் வகுப்புகளுக்கு பொதுத் தேர்வு நடத்தப்படும் என்ற தமிழக அரசின் அறிவிப்பை விமர்சனம் செய்துள்ளார்.
"இது ஒருகொடுமையாக நான் பார்க்கிறேன். நுட்பமாக கவனித்தால், கல்வி என்றால் என்னவென்று தெரியாதவர்களிடம் அதிகாரம் வந்துவிட்டது. மத்திய அரசு சொல்லியதுமே, தமிழக அரசு விரைந்து அதை செயல்படுத்திவிட்டது. கல்வி அமைச்சர்கள் முதலில் 5 மற்றும் 8ம் வகுப்பு பொதுத் தேர்வு தேர்ச்சி பெற்று வரட்டும். பிறகு பிள்ளைகளை படிக்க வைப்போம்.
சிறையில் நாற்காலி இல்லை.. கோர்ட்டில் ப.சி. புகார்! சின்ன விஷயத்தை பெரிசாக்காதீங்க.. அரசு வக்கீல்!!
ஒன்றுமே தெரியவில்லை. பார்த்துபடிக்கும்போதே, லாஸ்ஏஞ்சல்ஸ் என்றோ, சான்பிரான்சிஸ்கோ என்றோ சொல்ல தெரியவில்லை" இவ்வாறு சீமான் பேசுகிறார்.
இதையடுத்து, முதல்வர் எடப்பாடி பழனிச்சாமி, சமீபத்தில் செய்தியாளர்களுக்கு பேட்டியளித்த ஒரு வீடியோ அதில் இணைக்கப்பட்டுள்ளது. அந்த பேட்டியின்போது, "சான்பிரன்ஸ்கோ.., சான்பிரான்ஸ்கோ.." என்றும், "லாஸ்ஏஜென்ஸ், ஏஜென்ஸ்.." என்றும் தடுமாறியபடி எடப்பாடி பழனிச்சாமி பேசுவதைபோல வீடியோ உள்ளது.
இதற்கு நடுவே, வடிவேலு சினிமாவில் பேசும் டைமிங் காமெடி காட்சிகளும் இணைக்கப்பட்டுள்ளன. இந்த வீடியோதான் இப்போது தீயாக சமூக வலைத்தளங்களில் பரவி வருகிறது.