யோகா டீச்சருக்கு செக்ஸ் டார்ச்சர்.. டி-ஷர்ட், பேண்ட்டை பிடித்து இழுத்து.. சென்னையில் அக்கப்போர்!

சென்னையில் யோகா டீச்சருக்கு பாலியல் தொல்லை தந்த நபர்களை தேடி வருகிறார்கள்

Updated: Wednesday, September 23, 2020, 16:33 [IST]

சென்னை: யோகா டீச்சரின் டி-ஷர்ட்டையும், பேண்ட்டையும் பிடித்து இழுத்துள்ளனர் 2 ரோமியோக்கள்.. இந்த அதிர்ச்சி சம்பவம் சென்னையில் நடுரோட்டில் நடந்துள்ளது.

சென்னை நெல்சன்மாணிக்கம் ரோட்டில் இருந்து அண்ணாநகரை நோக்கி யோகா டீச்சர் ஒருவர் டூவீலரில் சென்று கொண்டிருந்திருக்கிறார். யோகா பயிற்சியை முடித்துவிட்டு, டி-ஷர்ட், பேண்ட் அணிந்துதான் பைக்கை ஓட்டி சென்றுள்ளார்.

அப்போது 2 இளைஞர்கள் ஒரு பைக்கில் அவரை பின்தொடர்ந்து வந்திருக்கிறார்கள்.. 2 பேருமே கஞ்சா அடித்திருந்ததாக கூறப்படுகிறது.. அதை பார்த்து பதறிய டீச்சர், முந்தி செல்ல, வேகமாக டூவீலரை ஓட்டி உள்ளார்.. ஆனால், அந்த இரு இளைஞர்களும் டீச்சரின் பைக்கை கடந்து, அவரது டி-ஷர், பேண்ட்டை இழுத்து ஈவ்டீசிங் செய்துள்ளனர்.

பிறகு அவரது ஹேண்ட் பேக்கையும் பிடித்து இழுத்துள்ளனர்.. இதனால் பயந்துபோன டீச்சர், டூவீலரின் வேகத்தை குறைத்துள்ளார்.. அதை சாதகமாக பயன்படுத்தி கொண்ட 2 போதை இளைஞர்களும், தங்களுடைய பைக்கை டூவீலருக்கு குறுக்கே நிறுத்திவிட்டு, மறுபடியும் டீச்சரிடம் சில்மிஷத்தில் ஈடுபட்டுள்ளனர்.. பிறகு அங்கிருந்து தப்பி பைக்கில் பறந்துவிட்டனர்.

இதனால் அதிர்ந்து போன டீச்சர், என்ன செய்வதென்றே தெரியாமல் விழித்தபோது, அங்கு பாஜக போராட்டத்துக்கு பாதுகாப்புக்கு வந்திருந்த போலீசாரிடம் விஷயத்தை சொல்லி, புகாரும் தந்தார்.. அந்த புகாரின்பேரில், தற்போது விசாரணை ஆரம்பமாகி உள்ளது.. அந்த இளைஞர்கள் யார் என்று தெரியவில்லை.. அதனால் அந்த பகுதியில் உள்ள சிசிடிவி கேமராக்களை ஆராய்ந்து வருகிறார்கள் போலீசார்!