• search
சென்னை அப்டேட்டுகளுக்கு
நோட்டிபிகேஷனை அனுமதி  

நாளைக்கேவா?.. அமைதியாக "மூவ்" ஆகும் மகேந்திரன்.. முக்கிய கட்சிக்கு மாற திட்டமா.. பின்னணி என்ன?

Google Oneindia Tamil News

சென்னை: மக்கள் நீதி மய்யம் கட்சியில் இருந்து வெளியேறிய மருத்துவர் மகேந்திரன் நாளை முக்கிய கட்சி ஒன்றில் இணைய வாய்ப்புள்ளதாக தகவல்கள் வருகின்றன.

மக்கள் நீதி மய்யம் கட்சியில் இருந்து அதன் முக்கிய நிர்வாகிகள் பலர் கடந்த சில தினங்களுக்கு முன் வரிசையாக வெளியேறினார்கள். அதன்படி மக்கள் நீதி மய்யத்தில் இருந்து துணைத் தலைவர் மருத்துவர் மகேந்திரன், பொன்ராஜ், மற்ற சி.கே.குமரவேல், மௌரியா,பொறுப்பாளர்கள், சந்தோஷ்பாபு, முருகானந்தம் ஆகியோர் வெளியேறினார்கள்.

இலவச வேக்சின் என்றால்.. தனியாருக்கு மட்டும் கட்டணம் வசூலிக்க அனுமதி ஏன்?.. ராகுல் காந்தி பொளேர்! இலவச வேக்சின் என்றால்.. தனியாருக்கு மட்டும் கட்டணம் வசூலிக்க அனுமதி ஏன்?.. ராகுல் காந்தி பொளேர்!

அதன்பின் தொடர்ச்சியாக கட்சியின் முக்கிய நிர்வாகிகள் வரிசையாக வெளியேறினார்கள். இந்த நிலையில் மநீமவில் முக்கிய மாற்றங்களை ஏற்படுத்தும் முடிவில் அதன் தலைவர் கமல்ஹாசன் இருக்கிறார்.

 வெளியேற்றம்

வெளியேற்றம்

இது தொடர்பாக பேசிய மருத்துவர் மகேந்திரன், கட்சியில் ஜனநாயகம் இல்லை. அதனால் வெளியேறுகிறோம். கடந்த ஒன்றரை வருடமாகவே கட்சியில் ஜனநாயகம் இல்லை.தேர்தல் முடிவிற்கு பின் கமல்ஹாசன் மாறுவார் என்று எதிர்பார்த்தேன். ஆனால் அவர் மாறவில்லை. கட்சியில் எங்கள் குரலுக்கு மதிப்பு இல்லை என்று கூறி மகேந்திரன் கட்சியில் இருந்து வெளியேறினார்.

என்ன

என்ன

இந்த் நிலையில் மகேந்திரனுக்கு கொங்கு மாவட்டங்களில் நல்ல செல்வாக்கு இருப்பதால் இவரை உள்ளே இழுத்து போட சில கட்சிகள் முயன்று வந்தன. பண ரீதியாகவும், தேர்தல் பணிகளில் மக்களிடம் கவனம் பெற்றதாலும் மகேந்திரன் அதிக முக்கியத்துவம் பெற்றார். அதோடு மக்கள் நீதி மய்யம் கட்சியில் இவர் இரண்டாவது பெரிய தலைவராகவும் இருந்தது கவனிக்கப்பட்டது.

கொங்கு

கொங்கு

இதனால் கொங்கு மாவட்டத்தில் இவரை களமிறக்க பெரிய அளவில் கட்சிகள் முயன்று வருகின்றன. மகேந்திரனை உள்ளே கொண்டு வந்தால் கட்சிக்கு நல்ல முகமாக இருப்பார் என்று திமுக நினைப்பதாக ஒரு பக்கம் ஏற்கனவே தகவல் வந்தது. கொங்கில் வளரும் முடிவில் திமுக இவரை உள்ளே இழுக்கும் என்றும் , திமுக இவரை அணுகி வருகிறது என்றும் கூறப்பட்டது. அதே சமயம் இவர் பாஜகவிற்கு நெருக்கமானவர் என்றும் செய்திகள் வந்தன.

பாஜக

பாஜக

சில பாஜக தலைவர்களுடன் பேசி வருகிறார் என்றும் மகேந்திரன் குறித்து தகவல்கள் வந்தன. இவரின் அடுத்தகட்ட அரசியல் பயணம் குறித்து நிறைய தகவல்கள் வெளியான நிலையில், மகேந்திரனின் உறவினர்கள் சிலர் அதிமுகவில் கொங்கு மாவட்டங்களில் முக்கிய பொறுப்பில் இருப்பதாகவும் தகவல்கள் கசிந்தன. இவர் அதிமுகவில் ஐக்கியம் ஆகும் வாய்ப்புகள் அதிகம் உள்ளதாகவும் கூறப்பட்டது.

எப்படி

எப்படி

இந்த நிலையில்தான் மகேந்திரன் நாளை முக்கிய கட்சி ஒன்றில் இணைய வாய்ப்புள்ளதாக தகவல்கள் வருகின்றன. நாளை அரசியல் முடிவு குறித்து முக்கிய அறிவிப்பை இவர் வெளியிட உள்ளார் என்கிறார்கள். தமிழ்நாட்டின் முக்கியமான கட்சி ஒன்றில் இவர் இணைவதற்கான டீல் முடிந்துவிட்டது.. நாளை இதற்கான அறிவிப்பு வெளியாகலாம் என்று பேசிக்கொள்கிறார்கள்.

English summary
Ex Makkal Needhi Maiam leader Mahendran may start his new journey from tomorrow from a new political party.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X