போயஸ் தோட்ட இல்லம் அருகே பிறந்தநாள் கொண்டாட்டம்.. ரஜினிக்கு இன்று அகவை 70!
சென்னை: ரஜினிகாந்தின் பிறந்தநாளை முன்னிட்டு அவரது ரசிகர்கள் அவரது வீட்டருகே கேக் வெட்டி கொண்டாடினர்.
Recommended Video
ரஜினிகாந்திற்கு 70ஆவது பிறந்த நாள் இன்றைய தினம் கொண்டாடப்படுகிறது. இதையொட்டி கடந்த இரு தினங்களாக ரசிகர்கள் ட்விட்டர் உள்ளிட்ட சமூகவலைதளங்களில் வாழ்த்துகளை தெரிவித்து வருகிறார்கள்.
இதனால் #HappyBirthdayRajinikanth என்ற ஹேஷ்டேக் டிரென்டிங்கில் இருந்து வருகிறது. ரஜினியின் பிறந்தநாளை முன்னிட்டு அவரது வீட்டின் முன் குவிந்த ரசிகர்கள் பலர், நள்ளிரவில் கேக் வெட்டி கொண்டாடினர்.
அது போல் திரைப்பிரபலங்கள் பலரும் ரஜினிகாந்திற்கு சமூக வலைத்தளங்கள் வாயிலாக வாழ்த்துக்களை தெரிவித்து வருகின்றனர். ரஜினிகாந்த் புதிய அரசியல் கட்சியை அறிவிக்க உள்ள நிலையில் அவரது பிறந்தநாள் வருவது ரசிகர்களுக்கு இரட்டிப்பு மகிழ்ச்சியை அளித்துள்ளது.
இதனால் ரஜினியின் பிறந்தநாளையொட்டி, அவரது ரசிகர்கள் கோ பூஜை, கோவில்களில் சிறப்பு பூஜை, அன்னதானம் மற்றும் நலத்திட்ட உதவிகளை மேற்கொள்கிறார்கள். மேலும் அவர் வரும் சட்டசபை தேர்தலில் வெற்றி பெற வேண்டும் என கோயில்களில் பிரார்த்தனைகளும் செய்யப்படுகின்றன.
அவர் நீண்ட ஆயுளையும் உடல்நலத்தையும் பெற்றிட வேண்டும் என சிறப்பு பிரார்த்தனை நடத்துவதாகவும் அவர்கள் தெரிவித்தார்கள்.