சென்னை அப்டேட்டுகளுக்கு
நோட்டிபிகேஷனை அனுமதி  
Just In
Oneindia App Download

தமிழக பாஜகவிற்குள் கோஷ்டி பூசல்? அம்பலப்படுத்திய காயத்ரி ரகுராம்

Google Oneindia Tamil News

Recommended Video

    குடிபோதையில் கார் ஓட்டவில்லை.. காயத்ரி ரகுராம் பரபரப்பு வீடியோ

    சென்னை: தமிழக பாரதிய ஜனதா கட்சிக்குள் கோஷ்டி பூசல் தலைதூக்கியுள்ளது அக்காட்சியை நிர்வாகி மற்றும் நடிகை காயத்ரி ரகுராம் வெளியிட்டுள்ள தகவல் உறுதியாகியுள்ளது.

    சென்னை அடையாறு எம்ஜிஆர் ஜானகி கல்லூரி அருகே போக்குவரத்து போலீசாரின் வாகன சோதனையின்போது, காயத்ரி ரகுராம் மது குடித்து வாகனம் ஓட்டியது போலீசாரின் விசாரணையில் தெரியவந்ததாக கூறப்படுகிறது.

    போலீசார் வழக்குப்பதிவு செய்த நிலையில், இந்த விவகாரத்தை மறுத்துள்ளார் காயத்திரி ரகுராம்.

    வீடியோ வெளியீடு

    வீடியோ வெளியீடு

    ட்விட்டரில் காயத்ரி ரகுராம் வெளியிட்டுள்ள வீடியோ பதிவில் கூறியுள்ளதாவது: என்ன நடந்தது என்பது எனக்கும் எனது தாயாருக்கும் எனது கூட இருந்தவர்களுக்கும் தெரியும். போலீஸ் என்னை வாகனத்திலிருந்து இறங்கி வீட்டுக்கு செல்லுமாறு சொல்லவும் இல்லை. அப்படி குடி போதையில் நான் வரவும் இல்லை.

    முதுகில் குத்தக்கூடாது

    முதுகில் குத்தக்கூடாது

    பாஜகவில் இருப்பதாலும் நான் குறி வைக்கப்படுகிறேன். பாஜகவிற்கு உள்ளேயும் கூட எனக்கு போட்டி உள்ளது. நான் ஏதாவது ஒன்றை செய்து கொண்டிருப்பதால் அவர்களுக்கு பிடிக்கவில்லை. இது சரியான வழி கிடையாது. முதுகில் குத்த கூடாது அவர்கள். இதைத்தான் நான் சொல்ல முடியும். இவ்வாறு காயத்ரி ரகுராம் தெரிவித்துள்ளார்.

    உட்கட்சி பூசல்

    உட்கட்சி பூசல்

    காயத்ரி ரகுராம் கூறியுள்ள இந்த தகவல் பாரதிய ஜனதா கட்சியில் உட்கட்சி பூசல் இருப்பதை உறுதிப்படுத்துகிறது. தனது வளர்ச்சி பிடிக்காமல் இவ்வாறு தனது கட்சியினர் தான் இந்த செய்தியை பரவவிட்டுள்ளனர் என்று பகிரங்கமாகவே தெரிவித்துள்ளார் அவர்.

    போலீசில் புகார்

    போலீசில் புகார்

    பிக் பாஸ் முதலாவது சீசனில் பங்கேற்றபோது சேரி குறித்து ஒரு வார்த்தையை பயன்படுத்திய காயத்ரி ரகுராம் மீது காவல்துறையில் புகார்கள் பதிவு செய்யப்பட்டன. இதையடுத்து பாஜகவில் இருந்து அவர் நீக்கப்படுவார் என்று செய்திகள் வெளியாகி இருந்தன. ஆனால் அவ்வாறு எதுவும் நடக்கவில்லை.

    கலாச்சார பாதுகாவல்

    கலாச்சார பாதுகாவல்

    இப்போது குடிபோதையில் வாகனம் ஓட்டியதாக காயத்ரி ரகுராம் மீது காவல்துறை வழக்கு பதிவு செய்துள்ளது அக்கட்சிக்கு தலைகுனிவை ஏற்படுத்தியுள்ளது. கலாச்சார பாதுகாவலர்கள் எனக் கூறிக்கொள்ளும் ஒரு கட்சியில் முக்கியமான பெண் நிர்வாகி மது குடித்து வாகனம் ஓட்டியதால் அவரை கட்சியில் இருந்து நீக்க வேண்டும் என்று சில நிர்வாகிகள் தலைமைக்கு கோரிக்கை விடுத்து வருவதாக கூறப்படுகிறது.

    பகிரங்க குற்றச்சாட்டு

    பகிரங்க குற்றச்சாட்டு

    இந்த சர்ச்சைகள் ஒரு பக்கம் என்றால், பாஜகவினர் மீது பகிரங்கமாக காயத்ரி ரகுராம் ட்விட்டரில் குற்றம்சாட்டி உள்ளதால் அவர் மீதான கோபம் கட்சியின் தலைமைக்கு அதிகரிக்கும் வாய்ப்பு ஏற்பட்டுள்ளது. எந்த மாதிரி நடவடிக்கையை பாஜக தலைமை எடுக்கும் என்று எதிர்பார்ப்பு மக்களிடம் ஏற்பட்டுள்ளது. பாஜக தேசிய இளைஞர் அணி செயற்குழு உறுப்பினராக நடிகை காயத்ரி ரகுராம் செயல்பட்டு வருகிறார் என்பது குறிப்பிடத்தக்கது.

    English summary
    Gayathri Raguram denies reports over drunk and drive but says BJP insiders doing politics against her.
     
     
     
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X