AMMK Symbol Gift Box: ஆஹா.. அமமுகவிற்கு சிறப்பான சின்னம் 'பரிசுப்பெட்டி'.. டிடிவி தினகரன் ஹேப்பி
Recommended Video
சென்னை: சிறப்பான பரிசுப் பெட்டி சின்னத்தை தங்களுக்கு, ஒதுக்கியுள்ளதாக அம்மா மக்கள் முன்னேற்றக் கழகம் துணைப் பொதுச் செயலாளர் டிடிவி தினகரன் புகழ்ந்துரைத்துள்ளார்.
"மாண்புமிகு உச்சநீதிமன்றத்தின் அறிவுறுத்தலின் பேரில் 59 வேட்பாளர்களுக்கும் "பரிசுப்பெட்டி" சின்னத்தை ஒதுக்கிய இந்தியத் தேர்தல் ஆணையத்திற்கு எனது மனமார்ந்த நன்றிகள்" என்று தமிழில் ட்வீட் செய்துள்ளார். முன்னதாக ஆங்கிலத்தில் வெளியிட்ட ட்வீட்டில், சிறப்பான பரிசு பெட்டி சின்னத்தை ஒதுக்கியதாக புகழ்ந்துள்ளார் டிடிவி தினகரன்.
அமமுகவின், 59 வேட்பாளர்களுக்கும் குக்கர் சின்னத்தை ஒதுக்க தேர்தல் ஆணையம் மறுத்த நிலையில், இன்று பரிசுப்பெட்டி சின்னத்தை ஒதுக்கியுள்ளது. தினகரன் தரப்பு ஆர்.கே.நகரில் பணப் பரிசு வழங்கியதாக கூறி பிற கட்சிகள் குற்றச்சாட்டுகள் முன்வைத்து வரும் நிலையில், பரிசுப் பெட்டி சின்னத்தை தினகரன் தரப்புக்கு தேர்தல் ஆணையம் ஒதுக்கியுள்ளதை என்னவென்று சொல்வது?
Thanks to the Election Commission of India for allocating the wonderful symbol "Gift Pack" for all the 59 candidates as per the order of the Hon'ble Supreme Court of India. #ElectionCommissionOfIndia #giftbox #தேர்தல்ஆணையம் pic.twitter.com/9973kc7Yqz
— TTV Dhinakaran (@TTVDhinakaran) March 29, 2019
பரிசுப் பெட்டியோடு தினகரன் வருகிறார் என்று இனி அதிகாரப்பூர்வமாகவே பிற கட்சிகள் கேலி பேசக்கூடுமே என்ற கவலை ஒருபக்கம் என்றால், பரிசுப் பெட்டி என்றாலே நமது நினைவுதான் வரும். இதனால் ஆசைப்படும் வாக்காளர்கள் ஓட்டுக்கள் நமக்குத்தான் என்ற ஒரு மகிழ்ச்சியும் டிடிவி தினகரன் தரப்பில் இருப்பதாக கூறப்படுகிறது.
பற்றி எரியும் காட்டுத்தீ! கொல்லிமலைக்கு சுற்றுலா செல்ல தடை
இந்த நிலையில்தான், சிறப்பான சின்னம் என தினகரன் புகழ்ந்துரைத்துள்ளது முக்கியத்துவம் பெறுகிறது.