• search
சென்னை அப்டேட்டுகளுக்கு
நோட்டிபிகேஷனை அனுமதி  

கலப்பு திருமணம் செய்தவர்களுக்கு.. அரசு பணியில் முன்னுரிமை.. எம்பி ரவிக்குமார் முதல்வருக்குக் கடிதம்

Google Oneindia Tamil News

சென்னை: கலப்புத் திருமணம் செய்து கொண்டவர்களுக்கு அரசுப் பணியில் முன்னுரிமை அளிக்கும் வகையில், 1986ஆம் ஆண்டு பிறப்பிக்கப்பட்ட அரசாணையை மீண்டும் செயல்படுத்த வேண்டும் என முதல்வர் ஸ்டாலினுக்கு விழுப்புரம் எம்.பி ரவிக்குமார் கடிதம் எழுதியுள்ளார்.

தமிழ்நாட்டில் கலப்பு திருமணங்கள் செய்து கொண்டவர்களுக்கு அரசுப் பணி நியமனத்தில் முன்னுரிமை அளிக்கும் அரசாணையை அப்போதைய முதல்வர் எம்ஜிஆர் பிறப்பித்தார்.

இந்த உத்தரவின்படி, வேலைவாய்ப்பு அலுவலகங்கள் மூலம் அரசுப் பணிகளுக்கு நியமனம் செய்யப்படும்போது கலப்பு திருமணம் செய்தவர்களுக்கு முன்னுரிமை அளிக்கப்பட்டு வந்தது

ரவிக்குமார் எம்பி கடிதம்

ரவிக்குமார் எம்பி கடிதம்

இருப்பினும், கடந்த 5 ஆண்டுகளில் கலப்பு திருமணம் செய்து கொண்ட யாருக்கும் அரசுப் பணி நியமனத்தில் முன்னுரிமை அளிக்கப்படவில்லை. இந்நிலையில், 1986ஆம் ஆண்டு தமிழக அரசு பிறப்பித்த அரசாணையை மீண்டும் செயல்படுத்த வேண்டும் என முதல்வர் ஸ்டாலினுக்கு விழுப்புரம் எம்.பி ரவிக்குமார் கடிதம் எழுதியுள்ளார்.

1986ஆம் ஆண்டு அரசாணை

1986ஆம் ஆண்டு அரசாணை

இது குறித்து அவர் எழுதியுள்ள கடிதத்தில், "தமிழ்நாட்டில் வேலைவாய்ப்பு அலுவலகங்கள் மூலம் அரசுப் பணிக்கு நியமனம் செய்யும்போது முன்னுரிமை தரப்படவேண்டியவர்களின் பட்டியலில் கலப்புத் திருமணம் செய்துகொண்டவர்களையும் சேர்த்துத் தமிழ்நாடு அரசு 1986 ஆம் ஆண்டே ஆணையிட்டுள்ளது.

கடந்த 5 ஆண்டுகள்

கடந்த 5 ஆண்டுகள்

2006 முதல் - 2011ஆம் ஆண்டுவரை அன்றைய திமுக ஆட்சியின்போது தமிழ்நாடு அரசின் இடைநிலை ஆசிரியர் பணி நியமனங்களில் கலப்புத் திருமணம் செய்துகொண்டோர் 287 பேர் பணி நியமனம் பெற்றுள்ளனர். ஆனால், கடந்த 5 ஆண்டுகளாகக் கலப்புத் திருமணம் செய்துகொண்ட எவரும் ஆசிரியர் பணி நியமனம் செய்யப்படவில்லை.

உரிய நடவடிக்கை

உரிய நடவடிக்கை

மறைந்த முதலமைச்சர் எம்ஜிஆரால் அறிமுகப்படுத்தப்பட்ட இந்தத் திட்டத்தைக் கடந்த அதிமுக அரசு செயல்படுத்தவில்லை. சமூகநீதியில் அக்கறை கொண்ட தங்களது தலைமையிலான அரசு இந்தத் திட்டத்தை மீண்டும் செயல்படுத்திட உரிய ஆணையை வழங்கிடுமாறு வேண்டுகிறேன்" என்று அவர் தனது கடிதத்தில் குறிப்பிட்டுள்ளார்.

English summary
Villupuram MP Ravikumar wrote letter to CM Stalin. In this letter MP Ravikumar states that priority needs to be given to inter caste marriage couples in govt jobs.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X