கோபேக் மோடி... நாங்களும் போடுவோம் கோபேக் ராகுல்.. படு சூடான டிவிட்டர்.. ஆனால் ஃபோர்ஸ் பத்தலையே!

சென்னை: பதிலுக்கு ஆரம்பிச்சிட்டாங்கப்பா.. இன்று தமிழகம் வரவுள்ள ராகுல் காந்திக்கு எதிர்ப்பு தெரிவிக்கும் வகையில் கோபேக் ராகுல், கோபேக் பப்பு போன்ற ஹேஷ்டேக்குகள் டிரண்டாகி வருகின்றன.

இதுவரைக்கும், பிரதமர் மோடி தமிழகம் நிறைய முறை வந்து போயிருக்கிறார். அப்போதெல்லாம் சம்பந்தப்பட்ட நிகழ்ச்சிகள் ஃபேமஸ் ஆனதோ இல்லையோ, கோபேக் மோடி என்ற வாசகமும் கருப்பு கொடி போராட்டமும்தான் ஹைலைட் ஆனது.

இவ்வளவு நாள் இல்லாமல் ராகுல்காந்தி இன்று தமிழகம் வர உள்ளதால், உடனே கோபேக் ராகுல் என்ற பதிலடி வாசகத்தை எதிர்க்கட்சியினர் ஆரம்பித்துவிட்டனர். இது எதற்காக என்றால், ராகுலுக்கும் தமிழ்நாட்டில் எதிர்ப்பு இருக்கிறதாம்.. அதை சொல்வதற்காகத்தான் இப்படி ஒரு தோரணைகள்.. ஏற்பாடுகள்... இந்த ஹேஷ்டேக்கில் பெரும்பாலும் ஈழத்தமிழர் விவகாரத்தைதான் பெரிதுபடுத்தி இருக்கிறார்கள்.

MR.Rahul Gandhi,We never forgive or forgot this.#Gobackrahul pic.twitter.com/gQfcj5a3Sd

— பாரதி😍மகாலிங்கம்💞 (@DhoniBharath5) March 13, 2019

மிஸ்டர் ராகுல்

மிஸ்டர் ராகுல் காந்தி, நாங்கள் ஒருபோதும் இதனை மறக்க மாட்டோம்.. மன்னிக்கவும் மாட்டோம்" என்று பதிவிட்டு அதன் கீழே ஈழ தமிழர்கள் சித்ரவதைகளை அனுபவிக்கும் போட்டோக்களை பகிர்ந்துள்ளனர்.

This is TamilNadu for you!!!
Not only in Twitter, people started #GoBackRahul on the ground as well..

Go Back Pappu.. #GoBackPappu pic.twitter.com/u7goHuDSGS

— Hari Prabhakaran (@Hariindic) March 13, 2019

கட்-அவுட்கள்

மற்றொரு ட்வீட்டில், "இது தமிழ்நாடு. டிவிட்டரில் மட்டுமில்லை ராகுல் காந்திஜி, நிஜத்திலும் கூட மக்கள் கட் அவுட்களை அகற்றுகின்றனர்" என்று பதிவிட்டு, ராகுலின் கட்அவுட் கீழே தள்ளிவிடுவதுபோல ஒரு வீடியோ பதிவிட்டுள்ளனர்.

#GoBackRahul No caption needed 😓 pic.twitter.com/q9L7QJwIcM

— 💖BALAJI GOPI 💖 (@Gopi97046329) March 13, 2019

பாலச்சந்திரன்

இதைவிடக் கொடுமை, பிரபாகரனின் மகன் 12 வயது பாலச்சந்திரன் உட்கார்ந்திருக்கும் படத்தை பதிவிட்டு, "இதற்கு கேப்ஷன் தேவையில்லை" என்று தெரிவித்துள்ளனர்.

No caption needed #GoBackRahul pic.twitter.com/h2r1WnuCxK

— B.PARAMESHWARAN (@eswarsaurav) March 13, 2019

நேரடி குற்றச்சாட்டு

இது போன்று பல ட்வீட்கள் இலங்கை தமிழர்களை வைத்துதான் உலா வருகிறது. இதெல்லாம் கடந்த கால வரலாறுகளாக இருப்பினும், ராகுல் காந்தி மீது நேரிடையாக இன்றைய தினத்தில் குற்றச்சாட்டு சொல்ல ஒன்றையுமே காணோம் என்றுதான் தெரிகிறது.

தமிழ்நாடு ட்வீட்

இப்படி அரைச்ச மாவையே அரைக்கறதுக்கு காரணம், மோடிக்கு போட்டியாக கோ பேக் ராகுல் என்ற ஹேஷ்டேக் இருக்க வேண்டும் என்பதற்காகவே இந்த வேலையை பாஜக பார்த்திருப்பதாக கூறப்படுகிறது. அதுமட்டும் இல்லை.. இதில் பெரும்பாலான ட்வீட்கள் எல்லாமே வட இந்திய ட்வீட்கள்தான்... தமிழ்நாட்டு ட்வீட் கண்ணிலேயே படல!

English summary

Twitter Starting to trend Go Back Rahul and Go back Pappu Hashtaq