சென்னையில் தங்கம் விலை தொடர்ந்து இறங்குமுகம்.. நேற்று பவுனுக்கு ரூ.224 குறைந்தது
சென்னை: சென்னையில் தங்கம் விலை தொடர்ந்து இறங்கி வருகிறது. நேற்று பவுனுக்கு ரூ.224 குறைந்து, ஒரு பவுன் ரூ.28,672க்கு விற்பனை ஆனது.
தங்கம் விலை இந்த ஆண்டு தொடக்கத்தில் 23 ஆயிரம் என்ற அளவில் இருந்த நிலையில் மெதுவாக உயர்ந்து வந்தது. குறிப்பாக கடந்த ஆகஸ்ட் மாதத்தில் தங்கம் விலை 3 ஆயிரம் வரை அதிகரித்தது. அதாவது 27 ஆயிரத்தில் இருந்து 30 ஆயிரம் ரூபாய் ஆக உயர்ந்தது.
இந்த வரலாறு காணாத விலை உயர்வு பொதுமக்களை நிலைகுலைய வைத்தது. திருமணத்திற்கு தங்கம் வாங்குவோர் வேதனை அடைந்தனர். இந்நிலையில் தங்கம் விலை கடந்த ஒரு வாரத்திற்கு மேலாக இறங்கி வருகிறது.
நேற்றும் தங்கத்தின் விலை குறைந்து காணப்பட்டது. நேற்று முன்தினம் ஆபரண தங்கத்தின் விலை ஒரு கிராம் ரூ.3ஆயிரத்து 612க்கும், ஒரு பவுன் ரூ.28 ஆயிரத்து 896க்கும் விற்பனை செய்யப்பட்டது. நேற்று மாலை மீண்டும் 28 ரூபாய் குறைந்து ஒரு கிராம் ரூ.3 ஆயிரத்து 584க்கு விற்பனை செய்யப்பட்டது. ஒரு பவுன் தங்கம் 28 ஆயிரத்து 672 ரூபாய்க்கு விற்பனை ஆனது.
பொதுமக்கள் மற்றும் போக்குவரத்துக்கு இடையூறாக பேனர் வைத்தால் ஓராண்டு ஜெயில்.. தமிழக அரசு எச்சரிக்கை
தங்கம் விலை கடந்த ஒரு வாரத்தில் மட்டும் சவரனுக்கு 696 ரூபாய் குறைந்துள்ளது. வெள்ளிவிலையும் கடந்த சில நாள்களாக சரிந்து வருகிறது. நேற்று வெள்ளி விலை கிலோவுக்கு 2 ஆயிரத்து 200 சரிந்து ஒரு கிலோ 48 ஆயிரத்து 700க்கும், ஒரு கிராம் 48 ரூபாய் 70 காசுகளுக்கும் விற்பனை ஆனது,.