சென்னை அப்டேட்டுகளுக்கு
நோட்டிபிகேஷனை அனுமதி  
Just In
Oneindia App Download

பெரியார் ஊர்வலம்.. கி.வீரமணியின் எடிட் செய்யப்பட்ட வீடியோ.. ஷேர் செய்த குருமூர்த்தி.. சர்ச்சை!

பெரியாரின் சேலம் ஊர்வலம் குறித்து திக தலைவர் கி. வீரமணி பேசும் எடிட் செய்யப்பட்ட வீடியோ ஒன்றை துக்ளக் ஆசிரியர் குருமூர்த்தி பகிர்ந்துள்ளார்.

Google Oneindia Tamil News

சென்னை: பெரியாரின் சேலம் ஊர்வலம் குறித்து திக தலைவர் கி. வீரமணி பேசும் எடிட் செய்யப்பட்ட வீடியோ ஒன்றை துக்ளக் ஆசிரியர் குருமூர்த்தி பகிர்ந்துள்ளார். அவரின் இந்த செயல் பெரிய அளவில் சர்ச்சையை ஏற்படுத்தி உள்ளது.

பெரியார் குறித்து நடிகர் ரஜினிகாந்த் பேசியது தொடர் விமர்சனங்களை சந்தித்து வருகிறது. அவரின் இந்த கருத்துக்கு பலரும் எதிர்ப்பு தெரிவித்துள்ளனர். முக்கியமாக அரசியல்வாதிகள், திரை உலகினர், தலைவர்கள் பலர் எதிர்ப்பு தெரிவித்து வருகிறார்கள்.

1971ல் ராமருக்கு எதிராக பெரியார் பேரணி செய்தார். இதில் ராமருக்கு செருப்பு மாலை அணிவிக்கப்பட்டது. சீதை புகைப்படம் எடுத்து செல்லப்பட்டது, இது மிகவும் தவறு என்று ரஜினி குறிப்பிட்டார். மேலும் நடிகர் ரஜினி காந்த் பெரியார் குறித்த கருத்துக்கு நான் மன்னிப்பு கேட்க முடியாது. பெரியார் குறித்து நான் பேசியது தவறானது கிடையாது, என்றுள்ளார்.

ரஜினிகாந்துக்கு எதிரான வழக்கு... தந்தை பெரியார் மிகப் பெரும் தலைவர்... ஹைகோர்ட் நீதிபதி ராஜமாணிக்கம்ரஜினிகாந்துக்கு எதிரான வழக்கு... தந்தை பெரியார் மிகப் பெரும் தலைவர்... ஹைகோர்ட் நீதிபதி ராஜமாணிக்கம்

வீடியோ வெளியிட்டார்

இந்த நிலையில் 1971ல் நடந்த இந்த சம்பவம் குறித்து திக தலைவர் கி வீரமணி பேசும் வீடியோ ஒன்றை துக்ளக் ஆசிரியர் குருமூர்த்தி பகிர்ந்துள்ளார். அந்த வீடியோவில், பெரியார் ராமரை செருப்பால் அடித்தார். சேலம் மாநாட்டில் செருப்பால் அடித்தார். அதன்பின் நடந்த சட்டசபை தேர்தலில் திமுக வென்றது. திமுக அதற்கு முன் பெற்ற இடங்களை விட அதிக இடங்களை அந்த தேர்தலில் பெற்றது. சாமி படத்தை அவமதித்ததும் இதற்கு காரணம் என்று கி வீரமணி குறிப்பிடுவதாக வீடியோவில் இருந்தது.

வைரல்

வைரல்

ஆனால் இந்த வீடியோ வெட்டி ஒட்டப்பட்டது என்பது நிரூபணம் ஆகியுள்ளது. வீரமணியின் பேச்சை இடை இடையே கட் செய்து, அவர் வேறு இடத்தில் ராமர் என்று சொன்னதை இணைத்து பொய்யாக வீடியோ உருவாக்கி உள்ளனர். இந்திராகாந்தி பேட்டி குறித்து அதே கூட்டத்தில் வேறு இடத்தில் பேசியதை வெட்டி இடையே இணைத்து, பொய்யாக எடிட் செய்தது நிரூபணம் ஆகியுள்ளது. சிலர் இந்த வீடியோவை எடிட் செய்து பரப்பி இருக்கிறார்கள் என்பது ஊர்ஜிதம் ஆகியுள்ளது .

சுட்டிக்காட்டியுள்ளனர்

சுட்டிக்காட்டியுள்ளனர்

இந்த பொய்யான வீடியோவைத்தான் குருமூர்த்தி பகிர்ந்துள்ளார். இதை பலரும் ஷேர் செய்தும் வருகிறார்கள். இந்த நிலையில் பொய்யான செய்திகளை கண்டுபிடிக்கும் தளமான யூடர்ன் போன்ற தளங்கள் இதன் உண்மை தன்மையை ஆராய்ந்துள்ளது. இந்த வீடியோ முழுக்க முழுக்க வெட்டி ஒட்டப்பட்டது என்பதை சுட்டிக்காட்டி உள்ளது. ஆனால் குருமூர்த்தி இந்த வீடியோவை டெலிட் செய்யவில்லை என்பதும் குறிப்பிடத்தக்கது.

உண்மை

இதை இணையத்தில் பலரும் சுட்டிக்காட்டி வருகிறார்கள். நீங்கள் ஏன் தவறான வீடியோவை பகிர்ந்துள்ளீர்கள். ஏன் விஷயத்தை திசை திருப்புகிறீர்கள் என்று பலரும் கேட்டு வருகிறார்கள். உண்மையான வீடியோவை பலர் ஷேர் செய்து, அவருக்கு விளக்கி வருகிறார்கள். இந்த பொய்யான வீடியோ சர்ச்சை இணையம் முழுக்க பெரிய பரபரப்பை ஏற்படுத்தி உள்ளது குறிப்பிடத்தக்கது.

English summary
Gurumurthy shares an edited video of K Veeramani in Twitter on Periyar rally.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X