யார ராஜினாமா செய்ய சொல்றீங்க.. நீங்க பொறுப்பா செயல்பட்டிங்களா? ஸ்டாலின் மீது பாயும் எச் ராஜா!
Recommended Video
சென்னை: உள்ளாட்சித்துறை அமைச்சராக இருந்தபோது பொறுப்பாக செயல்பட்டீர்களா என திமுக தலைவர் ஸ்டாலினுக்கு பாஜக தேசிய செயலாளர் எச் ராஜா கேள்வி எழுப்பியுள்ளார்.
தமிழகம் முழுவம் கடுமையான தண்ணீர் தட்டுப்பாடு நிலவி வருகிறது. குடிநீருக்காக மக்கள் குடங்களுடன் அலையும் நிலை ஏற்பட்டுள்ளது.
சென்னையில் தண்ணீர் தட்டுப்பாடு பிரச்சனை நாளுக்கு நாள் மோசமடைந்து வருகிறது. காசு கொடுத்தும் தண்ணீர் கிடைக்காததால் மக்கள் பெரும் அவதியடைந்துள்ளனர்.
சென்னையில் ரவுடி என்கவுன்டர்.. போலீசாரை வெட்டிவிட்டு தப்ப முயன்றதால் சுட்டுக்கொலை!
ராஜினாமா செய்ய வேண்டும்
இந்நிலையில் தண்ணீர் பிரச்சனைக்கு தார்மீக பொறுப்பேற்று உள்ளாட்சித் துறை அமைச்சர் ராஜினாமா செய்ய வேண்டும் என தி.மு.க. தலைவர் ஸ்டாலின் வலியுறுத்தியுள்ளார். சென்னை மக்களின் குடிநீர் பிரச்சினையைத் தீர்க்க உடனடியாக ஆக்கபூர்வமான நடவடிக்கைகளில் முதல்வர் எடப்பாடி பழனிச்சாமி ஈடுபட வேண்டும் என்றும் ஸ்டாலின் வலியுறுத்தினார்.
எச் ராஜா பதிலடி
குடிநீர் பிரச்சனையில் அதிமுக அரசு அலட்சியமாக செயல்படுவதாகவும் அவர் குற்றம்சாட்டியிருந்தார். இந்நிலையில் திமுக தலைவர் ஸ்டாலினுக்கு பாஜக தேசிய செயலாளர் எச் ராஜா பதிலடி கொடுத்துள்ளார்.
ஸ்டாலினுக்கு எச் ராஜா கேள்வி
இதுதொடர்பாக அவர் பதிவிட்டுள்ள ட்விட்டில் தெரிவித்திருப்பதாவது, திமுக ஆட்சியில் இருந்த 2006 முதல் 2011ஆம் ஆண்டு வரை எத்தனை கடல் நீரை குடிநீராக்கும் திட்டங்கள் நிறைவேற்றப்பட்டன? என எச் ராஜா கேள்வி எழுப்பியுள்ளார்.
|
நீங்கள் பொறுப்பாக செயல்பட்டீரா?
சென்னையில் கடல்நீரை குடிநீராக்கும் திட்டத்துக்கு மத்திய அரசு 1000 கோடி நிதி ஒதுக்கீடு செய்தும் அன்றைய உள்ளாட்சித் துறை அமைச்சராக இருந்த நீங்கள் பொறுப்பாக செயல்பட்டீரா? என்றும் எச் ராஜா ஸ்டாலினுக்கு கேள்வி எழுப்பியுள்ளார்.