வெல்கம் கேப்டன்.. எச். ராஜா குஷி.. "கேப்டனை விட்ருங்கய்யா பாவம் அவரு".. நெட்டிசன்கள் கலாய்!
விஜயகாந்த்துக்கு எச்.ராஜா ட்விட்டரில் வாழ்த்து தெரிவித்துள்ளார்.
Recommended Video
சென்னை: வெல்கம் கேப்டன் என்று பாஜக தேசிய செயலாளர் எச்.ராஜா தேமுதிக கூட்டணி தலைவர் விஜயகாந்துக்கு வாழ்த்து தெரிவித்துள்ளார்.
எச்.ராஜாவை புரிந்து கொள்ளவே முடியவில்லை. இவருக்கு யாரை பிடிக்கும், பிடிக்காது என்ற முடிவுக்கே நம்மால் சில சமயங்களில் வர முடிவதில்லை.
எல்லாரையுமே திட்டி தீர்ப்பவர் போலும் என்று நினைத்தால், திடீரென்று பொன்.மாணிக்கவேலுவை பாராட்டி, மகிழ்ந்து, எக்கச்சக்கமாக சப்போர்ட் செய்வார். இப்போதும்கூட விஜயகாந்த்துக்கு வாழ்த்து சொல்லி உள்ளார்.
இன்னும் முழுசா நண்பர்கள் ஆகலையாம்.. உள்ளுக்குள் புகையும் அதிமுக பாமக பகை.. இதென்ன கலாட்டா?
வரவேற்பு
விஜயகாந்த்தை அரசியல் தாண்டி எல்லோருக்குமே பிடிக்கும் என்றாலும் எச்.ராஜாவுக்கும் பிடிக்கும் என்பது இப்போதுதான் தெரிகிறது. அதனால்தான் இதுவரை எந்த அரசியல் கட்சி தலைவரும் அதிமுக-தேமுதிக கூட்டணிக்கு வாழ்த்து சொல்லாத நிலையில், முதல்ஆளாக எச்.ராஜா வரவேற்று ட்வீட் போட்டுள்ளார்.
|
வெல்கம்
அதில், "வெல்கம் கேப்டன். 2014 தேசிய ஜனநாயகக் கூட்டணியில் இருந்த அனைவரும் சேர்ந்து ஆளும் அஇஅதிமுகவுடன் ஒரு மெகா கூட்டணி அமைந்துள்ளது. அன்று NDA வை விட திமுகவிற்கு வெறும் 2% வாக்குகளே அதிகம் என்பது உலகறிந்த விஷயம். எனவே திமுக + காங்4% மநகூ part 2% அவ்வளவுதான். கடுமையாக உழைப்போம் 40 ம் நமதே" என்று பதிவிட்டுள்ளார்.
பாசம்
ஒருவேளை பாஜக மீது விஜயகாந்த் அதிக அளவு மரியாதை வைத்திருப்பதால் இந்த ட்வீட் விழுந்துள்ளதா? அல்லது பாஜக டெல்லி லாபிகள் அதிக அளவு விஜயகாந்த் மீது பாசம் வைத்துள்ளதால் இந்த ட்வீட் பதிவிடப்பட்டுள்ளதா தெரியவில்லை.
நல்ல மனுசன்யா அவரு
ஆனால் பாஜக-தேமுதிகவுக்கான பிடிப்பு கொஞ்சமும் குறையாமல் அன்றிலிருந்து இன்றுவரை நீண்டு வருகிறது என்பதுதான் உண்மை. எப்படியோ எச்.ராஜாவே கேப்டனை வரவேற்று விட்டது மகிழ்ச்சிதான். ஆனால் இந்த ட்வீட்டுக்கு கீழே நிறைய கமெண்ட்கள் பதிவாகி வந்தாலும், அதில் ஒரு கமெண்ட் இப்படி உள்ளது: "நல்ல மனுசன்யா Captain. அவர விட்ருங்கயா.."